2030 جىلعا قاراي ەنەرگييا تاپشىلىعى 6 گۆت-قا جۋىقتايدى. بۇل تاقىرىپتى مەملەكەت باسشىسى الماتىدا عالىمدارمەن كەزدەسكەن كەزدە قوزعادى. پرەزيدەنتتٸڭ ايتۋىنشا, تاپشىلىقتىڭ كەسٸرٸنەن ەكونوميكانىڭ ٶسۋ قارقىنى ەلسٸرەپ, جٷيەلٸ داعدارىسقا ەكەپ سوعۋى مٷمكٸن. سونىڭ بٸر شەشٸمٸ رەتٸندە توقاەۆ اتوم ەنەرگەتيكاسىن اتاپ ٶتتٸ.
«ەلٸمٸز تابيعي ۋران ٶندٸرۋدەن ەلەمدە بٸرٸنشٸ ورىندا تۇر. يادرولىق وتىن كومپونەنتتەرٸن دە ٶزٸ ٶندٸرەدٸ. بۇل بٸزدٸڭ بەسەكەگە قابٸلەتتٸ ەكەنٸمٸزدٸ كٶرسەتەدٸ. مۇنى پايدالانۋ كەرەك. دەگەنمەن بۇل مەسەلەنٸ جان-جاقتى تالقىلاپ, كەسٸبي ورتادا ديسكۋسسييا جاساۋ كەرەك. بٸراق شۋ شىعارماي, پوپۋليزمسٸز ٸستەگەن دۇرىس» دەيدٸ مەملەكەت باسشىسى.
@NRG_monitor بۇل تۋرالى بىلاي دەيدٸ: "اەس قۇرىلىسىنا قاتىستى شەشٸمدٸ حالىققا ارتىپ قويدى. ال نەگٸزٸ مۇنىمەن حالىق تا, پرەزيدەنت تە ەمەس, ٷكٸمەت اينالىسۋعا تيٸس! ەندٸ رەفەرەندۋمدا تاكسيستەر مەن پوپۋليستەر قارسىمىز دەپ داۋىس بەرەدٸ دە, سٶيتٸپ كٶرشٸلەردەن ەلەكتر ەنەرگيياسىن ٷش ەسە قىمباتقا ساتىپ الىپ وتىرامىز. ەلدەگٸ ەنەرگييا جٷيەسٸ قالىپتى جۇمىس ٸستەپ تۇرۋى ٷشٸن بٸزگە اەس اسا قاجەت. تٷسٸنٸكتٸرەك بولۋى ٷشٸن بىلاي ايتايىق: اەس ەلەكتر ەنەرگيياسىنىڭ بٸر بٸرلٸگٸنٸڭ گەنەراتسيياسى قالپىنا كەلەتٸن قۋات كٶزدەرٸنە قاراعاندا 3 ەسە كٶپ. ال نىسانداردىڭ قانشا جىل تۇراتىنىنا كەلسەك, قالپىنا كەلەتٸن قۋات كٶزدەرٸنٸڭ وبەكتٸلەرٸ — 20-25 جىلعا, اەس نىساندارى 60-80 جىلعا دەيٸن جارامدى. ودان قالا بەردٸ اەس-تە ستانتسييانى ۋتيليزاتسييالاۋعا بولادى. قالپىنا كەلەتٸن قۋات كٶزدەرٸنٸڭ ستانتسييالارىن ولاي جاساي المايمىز. سوندا ولاردى قايدا جٸبەرەمٸز?".
