"قايىرلى كەش" باعدارلاماسىنا بەرگەن سۇحباتىندا تۇڭعىش قازاق عارىشكەرٸ توقتار ەۋبەكٸروۆ كٶپشٸلٸك بٸلە بەرمەيتٸن قىزىقتى ەستەلٸكتەرٸن بٶلٸستٸ, دەپ حابارلايدى dalanews.kz.
عارىشكەردٸڭ ايتۋىنشا, ول عارىش ساپارىنا شىققاندا ٶزٸمەن بٸرگە رۋحاني ەرٸ جەكە ماڭىزى بار بٸرنەشە زاتتى الا بارعان.
"مەن ٶزٸممەن بٸرنەشە زاتتار الىپ كەتكەن ەدٸم. بٸرٸنشٸ قۇران سٷرەلەرٸن, سوسىن قورقىت اتامىزدىڭ جاتقان جەرٸنەن توپىراق الدىم. ارنايى قاپشىق جاساتىپ, سوعان سول توپىراقتان سالىپ الدىم. ەشكٸمگە ايتپاي, ٶز ەيەلٸمنٸڭ كارتوچكاسىن الىپ كەتتٸم. كەيٸن ورالعان سوڭ ەيەلٸمە "تانيا, سەن دە عارىشتا بولدىڭ" دەدٸم. ول "قالايشا" دەپ تٷسٸنبەدٸ. مەن وعان كارتوچكانى كٶرسەتتٸم. سەنٸڭ كارتوچكاڭدا "عارىش كەمەسٸ" دەگەن مٶر باسىلعان", – دەيدٸ توقتار ەۋبەكٸروۆ.
ايتا كەتەيٸك, توقتار ەۋبەكٸروۆ – قازاقتان شىققان تۇڭعىش عارىشكەر. ول 1991 جىلدىڭ 2 قازانىندا "سويۋز تم-13" عارىش كەمەسٸمەن كٶككە كٶتەرٸلٸپ, وربيتادا سەگٸز تەۋلٸككە جۋىق عىلىمي زەرتتەۋلەر جٷرگٸزگەن.
