"Qaiyrly kesh" baǵdarlamasyna bergen suhbatynda tuńǵysh qazaq ǵaryshkeri Toqtar Áýbákirov kópshilik bile bermeitin qyzyqty estelikterin bólisti, dep habarlaidy dalanews.kz.
Ǵaryshkerdiń aitýynsha, ol ǵarysh saparyna shyqqanda ózimen birge rýhani ári jeke mańyzy bar birneshe zatty ala barǵan.
"Men ózimmen birneshe zattar alyp ketken edim. Birinshi quran súrelerin, sosyn Qorqyt atamyzdyń jatqan jerinen topyraq aldym. Arnaiy qapshyq jasatyp, soǵan sol topyraqtan salyp aldym. Eshkimge aitpai, óz áielimniń kartochkasyn alyp kettim. Keiin oralǵan soń áielime "Tania, sen de ǵaryshta boldyń" dedim. Ol "qalaisha" dep túsinbedi. Men oǵan kartochkany kórsettim. Seniń kartochkańda "Ǵarysh kemesi" degen mór basylǵan", – deidi Toqtar Áýbákirov.
Aita keteiik, Toqtar Áýbákirov – qazaqtan shyqqan tuńǵysh ǵaryshker. Ol 1991 jyldyń 2 qazanynda "Soiýz TM-13" ǵarysh kemesimen kókke kóterilip, orbitada segiz táýlikke jýyq ǵylymi zertteýler júrgizgen.
