Qazaqstanda tek kúnkóris deńgeiinen emes, azyq-túlik sebetiniń qunynan da tómen tabys alatyn otbasylar bar. Mundai otbasylar sany – 3 myń. Bul kórsetkish bir jylda 14,5%-ǵa ósken. Osy úi sharýashylyqtarynda turatyn adamdar sany 7,7%-ǵa ósip, 16,4 myń adamǵa jetken, dep habarlaidy Dalanews.kz.
Bul derekterdi Finprom.kz sarapshylary alǵa tartyp otyr.
Osyndai óte tómen tabysy bar otbasylar elimizdiń tek alty óńirinde tirkelgen:
- Qaraǵandy oblysy – 898 otbasy, olarda 6,3 myń adam turady.
- Shymkent qalasy - 752 otbasy, 3 myń adam;
- Jetisý oblysy - 469 otbasy, olarda 2,3 myń adam turady.
Sonymen qatar, osyndai otbasylar Aqmola, Abai jáne Ulytaý oblystarynda da bar.
"Tabysy kúnkóris deńgeiinen tómen azamattardyń kóbi bes nemese odan kóp adamnan turatyn otbasylarda ómir súredi. Mundai adamdardyń jalpy sany – 788,1 myń, ótken jylmen salystyrǵanda 1%-ǵa ǵana azaiǵan. Sonymen qatar, tórt adamnan turatyn otbasylarda 86,5 myń adam, úsh adamnan turatyn otbasylarda – 40,4 myń, eki adamnan turatyn otbasylarda – 7 myń jáne jalǵyz turatyn otbasylarda – 2,4 myń adam bar. Al tabysy azyq-túlik sebetinen de tómen otbasylarda 11,6 myń adam bes nemese odan kóp adam turatyn úilerde, taǵy 4,9 myń adam tórt adamnan turatyn shańyraqta turyp jatyr", delingen saraptamada.
2025 jyldyń I-toqsanynda Qazaqstanda tabysy eń tómengi kúnkóris deńgeiinen tómen 160,4 myń úi sharýashylyǵy tirkelgen. Bul kórsetkish ótken jylmen salystyrǵanda 0,1%-ǵa az. Osy otbasylarda turatyn adamdardyń sany bir jylda 0,4%-ǵa azaiyp, byltyrǵy 928,1 myńnan biyl 924,4 myńǵa deiin tómendegen.
Óńirler boiynsha eń tómengi kúnkóris deńgeiinen az tabysy bar otbasylar Túrkistan oblysynda tirkelgen: 21,9 myń. Bul kórsetkish byltyrǵy jylmen salystyrǵanda 6,8%-ǵa artqan. Ekinshi jáne úshinshi orynda Almaty qalasy (17,1 myń otbasy) men Jambyl oblysy (10,6 myń otbasy) tur.
Al kedeishilik shegi eń az tirkelgen aimaqtar:
- Ulytaý oblysy (2,2 myń),
- Atyraý oblysy (3 myń),
- Batys Qazaqstan oblysy (5,1 myń otbasy).
Eger otbasy sanyn emes, kúnkóris deńgeiinen tómen tabysy bar adamdardyń jalpy sanyn alsaq, onda bul kórsetkish boiynsha da Túrkistan oblysy, Almaty qalasy men Jambyl oblysy kósh bastap tur. Al eń tómen kórsetkishter Ulytaý, Soltústik Qazaqstan jáne Atyraý oblystarynda tirkelgen.
Our World in Data zertteý uiymynyń derekterine súiensek, resmi statistikaǵa sáikes, Qazaqstan halqynyń ekstremaldy kedeilik deńgeii eń tómen elder qataryna kiredi. Bul kórsetkish Qazaqstanda – 0,02%. Mundai deńgei Albaniia, Finliandiia jáne Tonga elderinde de tirkelgen.
Budan da jaqsy kórsetkish Kipr, Resei jáne Tailandta anyqtaldy: árqaisysynda 0,01%. Árine, bul jerde de atalǵan elderdiń resmi statistikasynyń erekshelikterin eskergen jón.
TMD elderi arasynda ekstremaldy kedeiliktiń tómen deńgeii Ýkrainada tirkelgen – 0,03%. TMD boiynsha eń joǵary kórsetkishter - Ózbekstanda (2,25%), Armeniiada (0,78%) jáne Qyrǵyzstanda (0,31%).
Álemdegi eń joǵary kedeilik deńgeii Kongo Demokratiialyq Respýblikasynda (78,94%), Mozambikte (74,53%), Malavide (70,06%), Ortalyq Afrika Respýblikasynda (65,67%) jáne Zambiiada (64,35%) tirkelgen.
"2024 jyly jahandyq ekstremaldy kedeilik deńgeii 8,55% bolǵan. Byltyrǵy 2023 jyly bul kórsetkish – 8,79% edi. Jalpy sońǵy jyldardaǵy dinamika tómendeý úrdisin kórsetip keledi. 1990 jyly jahandyq kórsetkish 37,87% bolsa, odan keiin tómendei kele 1996 jyly azdaǵan ósim baiqalyp, keiin qaitadan tómendegen. 2018 jylǵa deiin úzdiksiz tómendeý úrdisi boldy, biraq 2018 jyldan keiin eki jyl boiy azdaǵan ósim tirkelip, keiinnen qaita tómendei bastaǵan", - deidi sarapshylar.
