Astanada zirat aýmaǵynan qulpytastar men temir qorshaýlardyń joǵalýyna bailanysty politsiia zańsyz metall qabyldaý ornyn anyqtady, dep habarlaidy Dalanews.kz.
Aldyn ala málimet boiynsha, belgisiz adamdar zirat aýmaǵyndaǵy metall konstrýktsiialardy erkin kirip, alyp ketken. Zirattaǵy múliktiń joǵalǵanyn baiqaǵan marqumdardyń týystary politsiiaǵa shaǵymdanǵan.
Tekserý barysynda quqyq qorǵaý organdary ruqsatsyz jumys istegen jasyryn metall qabyldaý pýnktin tapty. Oqiǵa ornynan qorshaýlar, qulpytas eskertkishteri, krestter jáne temir ústelder tabylǵan.
Politsiia málimetinshe, zańsyz metall qabyldaýǵa 38 jastaǵy er adam qatysy bolýy múmkin. Osy derek boiynsha qylmystyq is qozǵaldy.
Qazirgi ýaqytta zirat aýmaǵynan konstrýktsiialardy tikelei áketken adamdardy anyqtaý jumystary júrgizilip jatyr.
