استانادا زيرات اۋماعىنان قۇلپىتاستار مەن تەمىر قورشاۋلاردىڭ جوعالۋىنا بايلانىستى پوليسيا زاڭسىز مەتالل قابىلداۋ ورنىن انىقتادى، دەپ حابارلايدى Dalanews.kz.
الدىن الا مالىمەت بويىنشا، بەلگىسىز ادامدار زيرات اۋماعىنداعى مەتالل كونسترۋكسيالاردى ەركىن كىرىپ، الىپ كەتكەن. زيراتتاعى مۇلىكتىڭ جوعالعانىن بايقاعان مارقۇمداردىڭ تۋىستارى پوليسياعا شاعىمدانعان.
تەكسەرۋ بارىسىندا قۇقىق قورعاۋ ورگاندارى رۇقساتسىز جۇمىس ىستەگەن جاسىرىن مەتالل قابىلداۋ پۋنكتىن تاپتى. وقيعا ورنىنان قورشاۋلار، قۇلپىتاس ەسكەرتكىشتەرى، كرەستتەر جانە تەمىر ۇستەلدەر تابىلعان.
پوليسيا مالىمەتىنشە، زاڭسىز مەتالل قابىلداۋعا 38 جاستاعى ەر ادام قاتىسى بولۋى مۇمكىن. وسى دەرەك بويىنشا قىلمىستىق ءىس قوزعالدى.
قازىرگى ۋاقىتتا زيرات اۋماعىنان كونسترۋكسيالاردى تىكەلەي اكەتكەن ادامداردى انىقتاۋ جۇمىستارى جۇرگىزىلىپ جاتىر.
