Almatyda oqýshy mektepke baltamen kelgen. Aldyn ala málimetke sáikes mundai áreketke ol áleýmettik jeli arqyly berilgen nusqaý áserinen barǵan. Qazir bul derek boiynsha sotqa deiingi tergeý júrip jatyr, dep habarlaidy Dalanews.kz.
Oqiǵa naqty qai mektepte bolǵany ázirge jariialanǵan joq. Derekkóz málimetinshe, jaǵdai qaladaǵy Jetisý aýdanynda tirkelgen.
Politsiianyń sózinshe, kámeletke tolmaǵan qyz internetten alǵan tapsyrmalardyń yqpalymen zańǵa qaishy áreket jasaýǵa daiyndalǵan. Alaida quqyq qorǵaý organdarynyń jedel áreketiniń arqasynda bul árekettiń aldyn alý múmkin bolǵan.
Qazir tergeý aiasynda oqiǵanyń barlyq mán-jaiy, jasóspirimdi zańsyz áreketke itermeleýi múmkin adamdar anyqtalyp jatyr.
Sonymen qatar, qyzdyń zańdy ókilderine qatysty bala tárbiesine salǵyrt qaraý deregi boiynsha is qozǵaldy.
