Qazaqstanda nesie berý talaptary qatańdai túsýi múmkin. Endi bankter qaryz kólemin adamnyń resmi tabysyna qarap bekitedi, dep habarlaidy Dalanews.kz.
Ulttyq bank basshysy Timýr Súleimenovtiń aitýynsha, qaryz alýshy óz múmkindigin naqty baǵalaýy tiis. Sol siiaqty qarjy uiymdary da tabysy tómen adamdarǵa iri kólemde nesie usynýdan bas tartýy kerek.
Jańa modelde qaryz kólemi jyldyq tabysqa qatysty arnaiy koeffitsient arqyly anyqtalady. Iaǵni, adamnyń tabysy onyń nesie alý shegin naqty belgileidi.
“Ai saiyn 200 myń teńge tabatyn adamǵa 50 million teńge nesie berý – aqylǵa qonymsyz. Ol mundai qaryzdy ótei almaidy, sondyqtan bank te mundai sheshim qabyldamaýy tiis”, – dedi Súleimenov.
