Qostanai oblysynda memlekettik qyzmetshilerge issapar shyǵyndaryn óteý kezinde júieli buzýshylyqtar anyqtaldy, dep habarlaidy Dala News.
Bul týraly Memlekettik qyzmet isteri departamenti málim etti. Tekserý nátijesinde issapar tólemderi jii durys eseptelmeitini belgili bolǵan.
Jalpy 20 derek tirkelgen. Onyń 12-sinde artyq tólem jasalyp, shamamen 319 myń teńge negizsiz tólengen. Al 8 jaǵdaida kerisinshe, qyzmetkerlerge 472 myń teńgege jýyq qarajat tolyq tólenbegen.
Basty másele – tólemderdiń keshiktirilýi. Mamandar 400-ge jýyq jaǵdaida issapar shyǵyndary ýaqytynda ótelmegenin anyqtaǵan. Qarajat úsh kúnnen bir aiǵa deiin keshiktirilgen.
Osy ýaqyt aralyǵynda memlekettik qyzmetshiler jol aqysy, turý jáne tamaqtaný shyǵyndaryn óz qaltasynan tóleýge májbúr bolǵan.
Departament ókilderiniń aitýynsha, issapar – qyzmettik tapsyrma bolyp sanalady, sondyqtan oǵan bailanysty barlyq shyǵyndar tolyq ári ýaqytynda ótelýi tiis. Bul talaptar «Memlekettik qyzmet týraly» zańda jáne úkimet bekitken qaǵidalarda kórsetilgen.
Vedomstvonyń aralasýynan keiin qaita esep júrgizilip, jetispegen qarajat tolyq tólengen. Anyqtalǵan zańbuzýshylyqtar joiylǵan.
Departament memlekettik qyzmetshilerdiń quqyqtaryn qorǵaý baǵytyndaǵy jumysty jalǵastyratynyn málimdedi.
