Qarjy monitringi agenttiginiń Batys Qazaqstan oblysy boiynsha departamenti prokýratýrasynyń úilestirýimen Oral qalasynyń turǵyndaryna litsenziiasyz mikroqarjylyq qyzmet kórsetken tulǵalar tobyna qatysty tergeý júrgizýde, dep habarlaidy Dalanews.kz.
Bes jyl boiy kúdiktiler "Jyldam aqsha" degen ataýmen keńinen taraǵan filialdar jelisi arqyly azamattarmen jalpy somasy 1,5 mlrd teńgeden asatyn mikroqarjy kelisimsharttaryn jasaǵan.
Nesieniń paiyzdary bólek shart arqyly "keńes berý qyzmeti" retinde kórsetilgen. Bul qyzmetter kúdiktiniń týysyna tirkelgen, olarmen bailanysy bar JShS arqyly rásimdelip otyrǵan.
"Qaryz alýshylar kún saiyn 1,5% tóleýge májbúr bolǵan, bul zańmen belgilengen shekti mólsherlemeden 0,3% iaǵni bes esege artyq. Atalǵan zańsyz mikroqarjy uiymy arqyly 47 myńnan astam qaryz joǵary paiyzben berilgen", - deidi Qarjy monitoringi agenttigi.
Aldyn ala málimet boiynsha, zańsyz alynǵan tabys kólemi 917 mln teńgeni quraidy.
Sottyń sanktsiiasymen kúdiktilerdiń múlkine – óndiristik kommertsiialyq nysan men bir páterge – tyiym salyndy.
Tergeý jalǵasýda.
