قارجى مونيترينگٸ اگەنتتٸگٸنٸڭ باتىس قازاقستان وبلىسى بويىنشا دەپارتامەنتٸ پروكۋراتۋراسىنىڭ ٷيلەستٸرۋٸمەن ورال قالاسىنىڭ تۇرعىندارىنا ليتسەنزيياسىز ميكروقارجىلىق قىزمەت كٶرسەتكەن تۇلعالار توبىنا قاتىستى تەرگەۋ جٷرگٸزۋدە, دەپ حابارلايدى Dalanews.kz.
بەس جىل بويى كٷدٸكتٸلەر "جىلدام اقشا" دەگەن اتاۋمەن كەڭٸنەن تاراعان فيليالدار جەلٸسٸ ارقىلى ازاماتتارمەن جالپى سوماسى 1,5 ملرد تەڭگەدەن اساتىن ميكروقارجى كەلٸسٸمشارتتارىن جاساعان.
نەسيەنٸڭ پايىزدارى بٶلەك شارت ارقىلى "كەڭەس بەرۋ قىزمەتٸ" رەتٸندە كٶرسەتٸلگەن. بۇل قىزمەتتەر كٷدٸكتٸنٸڭ تۋىسىنا تٸركەلگەن, ولارمەن بايلانىسى بار جشس ارقىلى رەسٸمدەلٸپ وتىرعان.
"قارىز الۋشىلار كٷن سايىن 1,5% تٶلەۋگە مەجبٷر بولعان, بۇل زاڭمەن بەلگٸلەنگەن شەكتٸ مٶلشەرلەمەدەن 0,3% ياعني بەس ەسەگە ارتىق. اتالعان زاڭسىز ميكروقارجى ۇيىمى ارقىلى 47 مىڭنان استام قارىز جوعارى پايىزبەن بەرٸلگەن", - دەيدٸ قارجى مونيتورينگٸ اگەنتتٸگٸ.
الدىن الا مەلٸمەت بويىنشا, زاڭسىز الىنعان تابىس كٶلەمٸ 917 ملن تەڭگەنٸ قۇرايدى.
سوتتىڭ سانكتسيياسىمەن كٷدٸكتٸلەردٸڭ مٷلكٸنە – ٶندٸرٸستٸك كوممەرتسييالىق نىسان مەن بٸر پەتەرگە – تىيىم سالىندى.
تەرگەۋ جالعاسۋدا.
