كەسٸپكەر جۇمابەك جانىقۇلوۆتىڭ بۇرىنعى جۇبايى جاننا جانىقۇلوۆا ەلەۋمەتتٸك جەلٸدە سوت پروتسەسٸنە قاتىستى مەلٸمدەمە جارييالادى, دەپ حابارلايدى dalanews.kz.
ونىڭ ايتۋىنشا, ول جۇمابەك جانىقۇلوۆپەن 20 جىل زاڭدى نەكەدە تۇرعان جەنە بەس بالانى دٷنيەگە ەكەلگەن. جاننا جانىقۇلوۆا اجىراسۋعا جۇبايىنىڭ وپاسىزدىعى سەبەپ بولعانىن مەلٸمدەدٸ.
قازٸرگٸ ۋاقىتتا الماتى قالاسىنىڭ اۋدانارالىق سوتىندا نەكە شارتى مەن اليمەنت تٶلەۋ تۋرالى كەلٸسٸمدٸ جارامسىز دەپ تانۋ جٶنٸندەگٸ ٸس قارالىپ جاتىر.
«نەكەدە تۇرعان كەزدە مٷلٸك پەن نەكە شارتى تۋرالى مەسەلە ەشقاشان كٶتەرٸلگەن ەمەس. بۇل مەسەلە جۇمابەك جانىقۇلوۆتىڭ ٶمٸرٸندە باسقا ەيەل پايدا بولىپ, اجىراسۋ تۋرالى شەشٸم قابىلداعاننان كەيٸن عانا تۋىندادى», – دەپ جازدى ول.
جاننا جانىقۇلوۆانىڭ سٶزٸنشە, 24 ماۋسىمداعى سوت وتىرىسىندا ولاردىڭ بٸردە-بٸر ٶتٸنٸشحاتى قاناعاتتاندىرىلماعان. ونىڭ ٸشٸندە كەسٸپكەردٸڭ تابىسىنا قاتىستى مەلٸمەتتەردٸ قاراۋ تۋرالى ٶتٸنٸش تە بولعان.
«بٸز سالىق ورگاندارىنان تەك بٸر عانا كومپانييا بويىنشا مەلٸمەت ۇسىندىق. وندا سوڭعى ٷش جىلداعى كٸرٸس كٶلەمٸ 20 ميلليارد تەڭگەدەن اساتىنى كٶرسەتٸلگەن. ال مۇنداي كومپانييالار سانى 18-گە جۋىق. الايدا سوت بۇل جايتقا نازار اۋدارمادى», – دەيدٸ ول.
وسىعان بايلانىستى تالاپكەر تاراپ سۋدياعا قارسىلىق (وتۆود) بٸلدٸرگەن.
سونىمەن قاتار جاننا جانىقۇلوۆا بۇرىنعى جۇبايىنىڭ قارجىلىق جەنە ەكٸمشٸلٸك مٷمكٸندٸكتەرٸن ەسكەرە وتىرىپ, ٸستٸڭ ەدٸل قارالۋىنا الاڭدايتىنىن جەتكٸزدٸ. ول قوعام ٶكٸلدەرٸ مەن سوت جٷيەسٸنە قاتىسى بار لاۋازىمدى تۇلعالاردان اتالعان ٸستٸ باقىلاۋدا ۇستاۋدى سۇرادى.
ايتا كەتەيٸك, تانىمال تەلەجٷرگٸزۋشٸ دينارا سەتجان كەسٸپكەر جۇمابەك جانىقۇلوۆپەن شاڭىراق كٶتەردٸ. بۇل جاڭالىق ەلەۋمەتتٸك جەلٸلەردە كەڭٸنەن تالقىلانىپ, قوعام نازارىن اۋدارعان ەدٸ.
ەزٸرگە جۇمابەك جانىقۇلوۆ پەن ونىڭ ٶكٸلدەرٸ اتالعان مەلٸمدەمەگە قاتىستى رەسمي پٸكٸر بٸلدٸرگەن جوق.
