Aqtóbede buryn tanys bolǵan áieldi intim sipattaǵy videolardy jariialaimyn dep qorqytqan kúdikti ustaldy, dep habarlaidy dalanews.kz.
Oblystyq Politsiia departamenti málimetinshe, qala turǵyny quqyq qorǵaý organdaryna júginip, buryn aralasqan er adam onyń kelisiminsiz túsirilgen jeke sipattaǵy videolardy taratamyn dep qorqytyp, psihologiialyq qysym kórsetip júrgenin aitqan.
Jedel izdestirý is-sharalary barysynda kúdikti anyqtalyp, qolǵa tústi. Ol kórshiles oblystyń 38 jastaǵy turǵyny bolyp shyqty.
Bul derek boiynsha jeke ómirge qol suǵý belgilerimen sotqa deiingi tergeý bastaldy. Kúdikti ýaqytsha ustaý izoliatoryna qamaldy.
Qazir tergeýshiler oqiǵanyń barlyq mán-jaiyn anyqtap, kúdiktiniń osyǵan uqsas ózge de jaittarǵa qatysy bar-joǵyn tekserip jatyr.
