RES 2026 EXPO kórmesiniń ashylýynda jalpy quny 2,3 mlrd dollardan asatyn 17 memorandýmǵa qol qoiyldy. Bul Ortalyq Aziiadaǵy eń iri «jasyl» kelisimder paketteriniń biri boldy, dep habarlaidy Dala News.
Kórmeniń alǵashqy kúni Óńirlik ekologiialyq sammit aiasynda ótti. Is-sharaǵa Qazaqstan, Armeniia, Grýziia, Qyrǵyzstan, Mońǵoliia, Tájikstan, Túrikmenstan jáne Ózbekstan prezidentteri men sheteldik delegatsiialar qatysty. Qonaqtarǵa Ortalyq Aziia elderi men Ázerbaijannyń ulttyq pavilondary tanystyryldy. Onda jasyl energetika, tabiǵi resýrstardy basqarý jáne ornyqty damý baǵytyndaǵy basymdyqtar kórsetildi.
Ashylý saltanaty sammittiń basty oqiǵasyna ainalyp, úkimet ókilderin, halyqaralyq uiymdardy, damý institýttaryn jáne biznes qaýymdastyqty biriktirdi. Oǵan Ortalyq Aziia elderiniń ekologiia ministrleri, Italiianyń Qazaqstandaǵy elshisi, sondai-aq Green Climate Fund jáne ózge de halyqaralyq uiymdardyń ókilderi qatysty.
Kelisimder paketi ekologiialyq transformatsiianyń negizgi baǵyttaryn qamtydy. Atap aitqanda, jańartylatyn energiia kózderin damytý, tómen kómirtekti tehnologiialardy engizý, qaldyqtardy qaita óńdeý, turaqty ónerkásip óndirisi jáne klimattyq qarjylandyrý máseleleri qamtylǵan.
Mańyzdy qujattardyń biri – Qazaqstan Respýblikasynyń Ekologiia jáne tabiǵi resýrstar ministrligi men Italiia Respýblikasynyń Qorshaǵan orta jáne energetikalyq qaýipsizdik ministrligi arasyndaǵy memorandým boldy.
Investitsiialyq jobalardyń ishinde Qaraǵandy oblysynda qýaty 500 MVt bolatyn jel elektr stantsiiasyn salý (quny 645 mln dollar) jáne jalpy qýaty 2 GVt-qa deiingi jańartylatyn energiia jobalary bar. Sonymen qatar qaldyqtardy óńdeý, qoqys jaǵý zaýyttaryn salý, kún jáne gidroenergetika, turaqty aviatsiialyq otyn (SAF), kómirtek naryqtary jáne orman-klimat jobalary boiynsha bastamalar usynyldy.
Bul kelisimder halyqaralyq investitsiia tartýǵa, jasyl tehnologiialardy keńeitýge jáne Ortalyq Aziia elderi arasyndaǵy yntymaqtastyqty nyǵaitýǵa negiz bolady.
Kórme aiasynda Ekologiia jáne tabiǵi resýrstar ministri Erlan Nysanbaev ekspozitsiiany aralap, óńirler men kompaniialardyń jobalarymen tanysty. Ol usynylǵan bastamalardyń joǵary deńgeiin atap ótip, ekologiialyq júktemeni azaitý úshin mundai jobalardy keńinen engizý qajet ekenin aitty.
RES 2026 EXPO – iri tehnologiialyq alańǵa ainaldy. Kórmege 30 elden 240-tan astam kompaniia qatysyp, 120-dan astam pavilon usynyldy. Ekspozitsiialar ónerkásip, energetika, munai-gaz, mashina jasaý jáne ekologiialyq tehnologiialardy qamtydy.
Qatysýshylar óndiristi jańǵyrtý, úzdik qoljetimdi tehnologiialardy engizý, energiia tiimdiligin arttyrý jáne shyǵaryndylardy azaitý baǵytyndaǵy jobalardy tanystyrdy. Atap aitqanda, «Qazaqmys» pen KAZ Minerals turaqty óndiris jobalaryn, «Teńizshevroil», North Caspian Operating Company jáne KPO munai-gaz salasyn ekologiialandyrý bastamalaryn, ERG ónerkásipti jańǵyrtý jobalaryn, QazTehna ekologiialyq kólik sheshimderin jáne «QazMunaiGaz» jobalaryn usyndy.
Óńirler de óz bastamalaryn kórsetti. Pavlodar oblysy óndiristik qaldyqtardy qaita óńdeý jobalaryn, Qyzylorda oblysy tsirkýliarly ekonomika sheshimderin, Qaraǵandy oblysy sý tazartý jáne qaldyqtardy óńdeý tehnologiialaryn tanystyrdy. Aqtóbe oblysy «TazaPrint» startapyn usynyp, plastik qaldyqtaryn 3D-baspa materialdaryna ainaldyrý jobasyn kórsetti.
23 sáýirde «Ortalyq Aziianyń jasyl transformatsiiasy» atty investitsiialyq forým ótti. Oǵan 15-ten astam elden 200-ge jýyq qatysýshy jinalyp, úzdik qoljetimdi tehnologiialardy engizý, ekologiialyq retteý jáne jasyl ekonomikaǵa suranysty qalyptastyrý máselelerin talqylady.
Kórme tek iskerlik alań emes, mádeni jáne innovatsiialyq jobalar ortalyǵyna da ainaldy. ASTANA ECO FILM FESTIVAL halyqaralyq ekologiialyq kinofestivali ótip, 6 elden 50-den astam ótinim tústi. 15 film konkýrsqa qatysyp, jeńimpazdar anyqtaldy.
Sonymen qatar Green Runway Fashion Show turaqty sán kórsetilimi uiymdastyrylyp, Ortalyq Aziia elderi men halyqaralyq dizainerler qatysqan 9 top óz kollektsiialaryn usyndy.
Eco Startup Competition Central Asia 2026 baiqaýynda bas júldeni qazaqstandyq Aua Line startapy jeńip aldy. Basqa júldeli oryndardy Qyrǵyzstan men Ózbekstan jobalary ielendi. Gran-pri júldesi 5 mln teńgeni, finalister 3 mln teńgeden aldy.
Jalpy, RES 2026 EXPO kórmesine 20 myńnan astam adam qatysyp, ol ekologiia, investitsiia jáne innovatsiia salasyndaǵy óńirlik jetekshi alań retindegi mártebesin rastady.
