Shyǵys Qazaqstan oblysynda bolǵan jol-kólik oqıǵasy saldarynan eki adam kóz jumdy, dep habarlaıdy Dala News.
24 sáýir kúni «Almaty – Óskemen – Reseı Federasıasy shekarasy» avtojolynyń 1139-shaqyrymynda, Glýbokoe aýdany Berezovka aýyly mańynda «Mazda» jáne «JAC» avtokólikteri soqtyǵysqan.
Apat saldarynan «Mazda» kóliginiń júrgizýshisi men jolaýshysy oqıǵa ornynda qaıtys boldy. Al «JAC» kóliginiń júrgizýshisi medısınalyq mekemege jetkizildi.
Qazirgi ýaqytta oqıǵa ornynda tergeý amaldary júrgizilip, barlyq mán-jaı anyqtalyp jatyr. Atalǵan fakti boıynsha qylmystyq is qozǵaldy.
Polısıa júrgizýshilerdi jol qozǵalysy erejelerin qatań saqtaýǵa, jyldamdyqty qaýipsiz deńgeıde tańdaýǵa jáne jol men aýa raıy jaǵdaılaryn eskerýge shaqyrdy.
