شىعىس قازاقستان وبلىسىندا بولعان جول-كولىك وقيعاسى سالدارىنان ەكى ادام كوز جۇمدى، دەپ حابارلايدى Dala News.
24 ءساۋىر كۇنى «الماتى – وسكەمەن – رەسەي فەدەراسياسى شەكاراسى» اۆتوجولىنىڭ 1139-شاقىرىمىندا، گلۋبوكوە اۋدانى بەرەزوۆكا اۋىلى ماڭىندا «Mazda» جانە «JAC» اۆتوكولىكتەرى سوقتىعىسقان.
اپات سالدارىنان «Mazda» كولىگىنىڭ جۇرگىزۋشىسى مەن جولاۋشىسى وقيعا ورنىندا قايتىس بولدى. ال «JAC» كولىگىنىڭ جۇرگىزۋشىسى مەديسينالىق مەكەمەگە جەتكىزىلدى.
قازىرگى ۋاقىتتا وقيعا ورنىندا تەرگەۋ امالدارى جۇرگىزىلىپ، بارلىق ءمان-جاي انىقتالىپ جاتىر. اتالعان فاكتى بويىنشا قىلمىستىق ءىس قوزعالدى.
پوليسيا جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا، جىلدامدىقتى ءقاۋىپسىز دەڭگەيدە تاڭداۋعا جانە جول مەن اۋا رايى جاعدايلارىن ەسكەرۋگە شاقىردى.
