Fransıa prezıdenti Emmanýel Makron 2027 jyly ekinshi prezıdenttik merzimi aıaqtalǵan soń saıasattan ketetinin málimdedi, dep habarlaıdy Dalanews.kz.
Ol bul týraly Kıpr astanasy Nıkosıada oqýshylarmen ótken kezdesý barysynda aıtqan.
Makronnyń aıtýynsha, ol prezıdent bolǵanǵa deıin kásibı saıasatker bolmaǵan jáne qyzmetinen ketkennen keıin de saıasatqa qaıta oralýdy josparlamaıdy.
Bul rette ol qazir eń qıyn mindet – osy ýaqytqa deıin atqarǵan jumystaryn joǵaltpaı, saqtap qalý ekenin jetkizdi.
"Bul jaı ǵana bir nárse isteý emes. Men úshin eń mańyzdysy – ózim senetin qundylyqtardy qorǵap, elim men Eýropanyń damýyna úles qosý. Sondyqtan bul – men úshin úlken ynta men ishki qulshynys", – dedi Makron.
Eske salaıyq, Makron 2017 jyly Fransıa prezıdenti bolyp taǵaıyndaldy. 2022 jyly ekinshi merzimge qaıta saılanǵan.
