Dáýren Abaev 9 aidaǵy jumysyn qorytyndylady
«Egemendi tarihymyzdyń shirek ǵasyrynyń mejesin eńsere otyryp, bizdiń halyq shyn mánisinde turaqty damýymen jáne asa iri jetistikterimen maqtana alady. Táýelsizdik jyldary bizdiń Prezidentimizdiń basshylyǵymen qazaqstandyqtar aýyzbirshiligi men kóp eńbek etýiniń arqasynda talai qiyndyqty eńserdi», - dedi ol.
Osylaisha, táýelsizdik alǵan sátten bastap aqparat, aqparattandyrý jáne bailanys salasynyń infraqurylymy is júzinde qaitadan quryldy. 90-shy jyldardyń basynda Qazaqstanda telekommýnikatsiia jelilerinde 12,5 myń shaqyrymnan astam talshyqty-optikalyq kabeldi magistral salyndy. 1999 jyly qalaaralyq/halyqaralyq bailanys jelisi 100% tsifrlyq boldy. Dúniejúzilik ekonomikalyq forýmnyń derekteri boiynsha Qazaqstan «jelilik daiyndyq» indeksi boiynsha 39 orynda, «Internetti paidalanýshylar tyǵyzdyǵy» boiynsha 41 orynda, AKT salasyndaǵy zańnamanyń damý deńgeii boiynsha 38 orynda tur. Bar-joǵy 11 jyl buryn bizdiń elimizde HQKO-ny qurý ideiasy alqash ret aitylǵan bolatyn. Búginde olar «bir tereze» qaǵidaty boiynsha 29 mln. astam memlekettik qyzmet kórsetti. Qazaqstan BUU-nyń reitingisinde «Elektrondyq úkimet» indeksi boiynsha álemde 33 oryndy alady. Qoldanystaǵy 3 myńnan astam BAQ qatysyp otyrǵan tolyqqandy jumys isteitin jáne básekege qabiletti media sala quryldy.
Ministr atqarylǵan jumys týraly baiandamasymen sóz sóilei otyryp, úsh negizgi baǵytty: aqparat, bailanys jáne aqparattandyrý, sondai-aq memlekettik qyzmetter kórsetýdi atap ótti.
Birinshi baǵyt boiynsha «Qundylyqtar kartasy» (qoǵamnyń rýhani tiregin nyǵaitýǵa, otbasy qundylyqtaryn, patriotizmdi jáne «Máńgilik El» Patriottyq aktisinde belgilengen basqa da qundylyqtardy ilgeriletýge baǵyttalǵan) men «Memlekettik PR-Strategiiasyn» (azamattarǵa salalyq baǵdarlamalar týraly aqparat berýge jáne eń aldymen «100 naqty qadam» Ult Josparyn jariia etýge baǵyttalǵan) qamtityn Aqparattyq jumys strategiiasy ázirlendi. BAQ-qa tiimdiligi men básekege qabilettiligin arttyrýǵa baǵyttalǵan jańǵyrtý jumystary júrgizilýde. Sondai-aq Ministrlik BAQ, teleradio habarlaryn taratý, bailanys jáne aqparattandyrý máseleleri boiynsha zańnamany jetildirýge baǵyttalǵan aqparat jáne kommýnikatsiialar máseleleri boiynsha zań jobasynyń tujyrymdamasyn ázirledi. Tujyrymdama jobasymen 4 kodeks pen 12 zańǵa ózgerister engizý kózdelýde. Tujyrymdama keń talqylaýdan ótti. Oń ári syn pikirler eskerildi. Atalǵan baǵyt boiynsha jaqyn ýaqytta Zań jobasyn jariialap, kelesi jyldyń birinshi jartyjyldyǵynan bastap zań jobasyn Parlamentke engizý úshin qujatty halyqpen keńinen talqylaý jóninde tapsyrma berildi.
Ekinshi baǵyt boiynsha basym mindetterdiń biri retinde halyqty Internetke keńjolaqty qoljetimdilikpen (budan ári – KJQ) qamtamasyz etý belgilendi. Búginde paidalanýshylar sany 73%-ǵa jetti. Turǵyndar sany 10 myń jáne odan kóp aýyldyq eldi mekenderde 3G standartynyń mobildi bailanysy endirildi. 4G standarty turǵyndar sany 50 myń jáne odan kóp aýyldyq eldi mekenderde qosyldy. 2017 jyldyń sońyna qarai elimizdiń barlyq aýdan ortalyqtary 4G standartymen qamtylatyn bolady. Ministrlik memlekettik-jeke áriptestik arqyly «QR aýyldyq eldi mekenderin (AEM) Internet jelisine KJQ qamtamasyz etý» jobasyn ázirledi. Atalǵan joba 1300 aýyldyq eldi mekenderde iske asyrylǵan jaǵdaida, jańa býyndaǵy bailanys infraqurylymy quralatyn bolady. 1 qańtardan bastap «mobildi quldyq» degen joiyldy. Televideniia infraqurylymynyń qoljetimdiligin qamtamasyz etý bóliginde «OTAU TV» spýtniktik habar taratý jelisi elimizdiń aýmaǵyn 100% qamtýdy qamtamasyz etedi. 1 qazandaǵy jaǵdai boiynsha abonentter sany 1 mln. 204 myń qurady. Atalǵan baǵyt boiynsha Jobany iske asyrý jónindegi jol kartasyn bekitý, «OTAU TV» básekege qabilettiligin jáne kórsetimdiligin arttyrý jóninde usynystar engizý tapsyryldy.
«Aqparattandyrý salasy boiynsha Ministrlik respýblikalyq biýdjetke salmaq salmai, kvazimemlekettik sektorlar, jeke investorlar qarjylandyrýdy kózdeitin «Tsifrlyq Qazaqstan» memlekettik baǵdarlamasynyń jobasyn ázirledi. Bul qadam basqa da áleýmettik mańyzdy jobalarǵa joldaýǵa bolatyn memleket qarajatyn únemdeýge múmkindik beredi», - dedi ministr.
Osyǵan orai, «Tsifrlyq Qazaqstan» baǵdarlamasy sheńberinde iske asyrýǵa josparlanǵan jobalar úshin investitsiialar tartýdy qamtamasyz etý tapsyryldy.
Úshinshi baǵyt boiynsha 30 mln. astam kórsetilgen elektrondyq qyzmetter atap ótildi, 17 myńnan astam elektrondyq litsenziia, 433 myń ruqsat qujaty berildi, 854 myń adam tirkeldi. Búginde Memqyzmet tiziliminde 739 ataý bar, olardyń ishinde 530-yn elektrondyq úkimet portaly jáne Memlekettik korporatsiia arqyly alýǵa bolady. Azamattarǵa yńǵaily bolýy úshin qajetti keńester alýǵa bolatyn 1414 biryńǵai nómiri engizildi. Sonymen qatar, Memkorporatsiiadaǵy sybailas jemqorlyq oqiǵalary da atap ótildi. Bul máseleni basshylyqtyń erekshe baqylaýyna alý tapsyryldy. Budan basqa, jyldyń sońyna deiin Memkorporatsiia arqyly elektrondyq nysanda keminde 65% memlekettik qyzmetter kórsetýdi qamtamasyz etý, Memkorporatsiiaǵa berilgen jańa 53 memqyzmetti interatsiialanǵan aqparat júiesine qosýdy aiaqtaý tapsyryldy.
