Aqsha jinaityn muǵalimder jumystan ketedi
«Bizde ministr buiryǵymen mektepte túrli maqsattarǵa aqsha jinaýǵa tyiym salý boiynsha naqty qaǵidalar bekitilgen. Ol burynnan bar, bul birinshi buiryq emes. Ol týraly barlyq bilim berý departamentteri men bólimshelerine aityldy. Biz mektepterde aqsha jinaýǵa tyiym salýǵa qatysty saiasatty qatań ustanamyz. Biraq bul talap jergilikti jerlerde buzylyp jatady», - dedi vitse-ministr Ortalyq kommýnikatsiialar qyzmetinde ótken brifingte.
Onyń aitýynsha, osy buiryqty buzǵan qyzmetkerlerge qatań jaza qoldanylady. Tipti jumystan shyǵarýǵa deiin barýy múmkin.
«Biz barlyq oqiǵalarǵa qatań sharalar qoldanyp kelemiz. Ony jiti baqylap, ata-analarmen birge aqsha jinaýǵa múldem qarsy ekenimizdi bildiremiz. Mektepte oqýshylardyń ata-analarynan aqsha jinaýǵa tyiym salý týraly ministr buiryǵy barlyq oblystyń, Astana men Almaty qalalarynyń bilim berý departamentterine joldanǵan. Aqsha jinaýǵa jol bergen qyzmetkerlerdi jumystan shyǵarýǵa deiin baramyz», - dedi Elmira Sýhanberdieva.
