Qyzylorda oblysy ákimdigi men Qazaq meditsinalyq úzdiksiz bilim berý ýniversiteti arasyndaǵy yntymaqtastyq týraly Memorandýmǵa sáikes 2013-2014 jyldary densaýlyq saqtaý mamandaryn oqytý boiynsha kóptegen sharalar júzege asyryldy. Ártúrli bilim berý baǵdarlamalary boiynsha 2014 jyly 1046 maman oqyp shyqty, ol 2013 jylmen salystyrǵanda 648 tyńdaýshyǵa artyq.
Dárigerler men meiirgerlerdiń bilimi men daǵdysyn jetildirý jumystan qol úzbei tikelei sol oblysta ótkizilýi, issaparǵa ketetin milliondaǵan shyǵyndardy únemdeýge alyp keldi. Budan basqa, aýyl meditsina qyzmetkerleri 9 mamandyq boiynsha Almaty qalasyndaǵy Qazaq meditsinalyq úzdiksiz bilim berý ýniversiteti bazasynda qaita daiarlaýdan ótti. Óz kezeginde Qyzylorda oblysynyń turǵyndary yntymaqtastyq týraly Memorandýmnyń aiasynda Qazaq meditsinalyq úzdiksiz bilim berý ýniversitetiniń professorlarynan konsýltativtik-diagnostikalyq kómek aldy. Bul is-shara, iaǵni, mamandardy oqytý óńirdiń bilikti kadrlarǵa degen suranysyn eskere otyryp ótkizilgendigin atap ótýimiz kerek. Buǵan óńirlik densaýlyq saqtaý júiesin zertteý óz septigin tigizdi.
QazMÚBBÝ-men yntymaqtastyq Qyzylorda oblysy meditsina kadrlaryna diagnostika men emdeýdiń jańa tehnologiialaryn igerýge kómektesti. Óńirlerdegi aýyl mamandarynyń (Qyzylorda oblysy halqynyń 57% aýyldyq eldi-mekenderde turady) biliktilik arttyrýǵa óte muqtaj ekendigin aityp ótkenimiz jón, sebebi meditsina bir orynda turǵan joq, zamanýi qural-jabdyqtar satyp alynyp, kópsalaly klinikalar salynýda, mamandardyń taǵylymdamaǵa barýyna kóp jaǵdailarda túrli sebeptermen múmkindikteri bola bermeidi. Zamanaýi densaýlyq saqtaýdyń máselelerin túsine otyryp, QazMÚBBÝ óńirlerdi qamtý jumysyn maqsatty túrde júrgizýde, barlyq oblystyq densaýlyq saqtaý basqarmalarymen memorandýmder jasaldy, QR-nyń 12 óńirinde QazMÚBBÝ ókilderi jumys isteýde.
