Resei prezidenti Vladimir Pýtin men AQSh prezidenti Donald Tramptyń Býdapeshtke josparlanǵan kezdesýi qiyndai tústi. Buǵan Eýropa elderiniń birinen soń biri Pýtinniń kelýine qarsy shyǵýy sebep bolyp otyr, dep habarlaidy Dalanews.kz.
Donald Tramp jýrnalisterge bergen suhbatynda bul kezdesýge qatysty túpkilikti sheshimniń áli qabyldanbaǵanyn aitty. Onyń sózinshe, naqty sheshim aldaǵy kúnderi jariialanady.
Pýtin men Tramptyń Vengriia astanasynda júzdesetini jóninde alǵashqy aqparat 16 qazanda olardyń telefon arqyly sóileskeninen keiin belgili bolǵan edi. Sol kezde Resei prezidentiniń baspasóz hatshysy Dmitrii Peskov kezdesýdiń jaqyn arada ótetinine úmit artqan edi. Daiyndyq aiasynda Resei Syrtqy ister ministri Sergei Lavrov pen AQSh Memlekettik hatshysy Marko Rýbionyń jeke kezdesýi josparlanǵan.
Alaida 20 qazanda olar telefon arqyly sóileskennen keiin batystyq aqparat agenttikteri Aq úidegi derekkózderge silteme jasap, sammitke daiyndyqtyń ýaqytsha toqtaǵanyn habarlady. Aqparat kózderiniń aitýynsha,Tramp ákimshiligi taraptardyń kelissóz ótkizýge áli daiyn emes ekenin alǵa tartqan. Osyǵan bailanysty Lavrov pen Rýbionyń kezdesýi de keiinge qaldyrylǵan.
Qazir jaǵdai kúrdelene tústi: bir jaǵynan Eýropa elderi Pýtinniń saparyna ashyq qarsylyq tanytsa, ekinshi jaǵynan AQSh tarapy kezdesýge asa saqtyqpen qaraýda.
