رەسەي پرەزيدەنتٸ ۆلاديمير پۋتين مەن اقش پرەزيدەنتٸ دونالد ترامپتىڭ بۋداپەشتكە جوسپارلانعان كەزدەسۋٸ قيىنداي تٷستٸ. بۇعان ەۋروپا ەلدەرٸنٸڭ بٸرٸنەن سوڭ بٸرٸ پۋتيننٸڭ كەلۋٸنە قارسى شىعۋى سەبەپ بولىپ وتىر, دەپ حابارلايدى Dalanews.kz.
دونالد ترامپ جۋرناليستەرگە بەرگەن سۇحباتىندا بۇل كەزدەسۋگە قاتىستى تٷپكٸلٸكتٸ شەشٸمنٸڭ ەلٸ قابىلدانباعانىن ايتتى. ونىڭ سٶزٸنشە, ناقتى شەشٸم الداعى كٷندەرٸ جارييالانادى.
پۋتين مەن ترامپتىڭ ۆەنگرييا استاناسىندا جٷزدەسەتٸنٸ جٶنٸندە العاشقى اقپارات 16 قازاندا ولاردىڭ تەلەفون ارقىلى سٶيلەسكەنٸنەن كەيٸن بەلگٸلٸ بولعان ەدٸ. سول كەزدە رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ كەزدەسۋدٸڭ جاقىن ارادا ٶتەتٸنٸنە ٷمٸت ارتقان ەدٸ. دايىندىق اياسىندا رەسەي سىرتقى ٸستەر مينيسترٸ سەرگەي لاۆروۆ پەن اقش مەملەكەتتٸك حاتشىسى ماركو رۋبيونىڭ جەكە كەزدەسۋٸ جوسپارلانعان.
الايدا 20 قازاندا ولار تەلەفون ارقىلى سٶيلەسكەننەن كەيٸن باتىستىق اقپارات اگەنتتٸكتەرٸ اق ٷيدەگٸ دەرەككٶزدەرگە سٸلتەمە جاساپ, سامميتكە دايىندىقتىڭ ۋاقىتشا توقتاعانىن حابارلادى. اقپارات كٶزدەرٸنٸڭ ايتۋىنشا,ترامپ ەكٸمشٸلٸگٸ تاراپتاردىڭ كەلٸسسٶز ٶتكٸزۋگە ەلٸ دايىن ەمەس ەكەنٸن العا تارتقان. وسىعان بايلانىستى لاۆروۆ پەن رۋبيونىڭ كەزدەسۋٸ دە كەيٸنگە قالدىرىلعان.
قازٸر جاعداي كٷردەلەنە تٷستٸ: بٸر جاعىنان ەۋروپا ەلدەرٸ پۋتيننٸڭ ساپارىنا اشىق قارسىلىق تانىتسا, ەكٸنشٸ جاعىنان اقش تاراپى كەزدەسۋگە اسا ساقتىقپەن قاراۋدا.
