Aǵylshyn basylymy Daily Mail-ǵa suhbat bergen Stalinniń nemeresi Evgenii Djýgashvili Pýtinniń saiasatyn jerden alyp, jerge salypty. Anyǵyraq aitsaq, Djýgashvili Máskeýdiń ázirgi áreketin «aqymaq» saiasatqa balaǵan.
Ýkrainaǵa qarsy soǵys ashyp, Qyrymdy qol astyna qaratqany úshin Pýtindi aiyptaimyn. Al Kremldegi ózin saiasi elita sanaityndardyń derligi ury, olar reseilikterdiń basyn ainaldyryp otyr. Al Pýtin saiasatqa qaraǵanda, ózine, óziniń imidjine kóp kóńil bóledi. Shynymdy aitsam, onyń ne istep jatqanyn, aldyna qandai maqsat qoiǵanyn túsinbeimin. Aldy da bizdi baýyrlas ultpen arazdastyryp tastady (Ýkraina). Bizde qazir kóshbasshy, týra jolǵa túsiretin jetekshi joq. Júie urylardan turady.
Al Qyrym sonshalyqty qajet bolyp jatsa ony kúshpen emes, zań jolymen qaitarý kerek edi. Aitalyq, Qyrymdy ÝKSR-ǵa bergendegi Nikita Hrýshevtiń áreketi qanshalyqty zańdy boldy jáne bul qandai jaǵdaida júzege asyryldy?
Eń bolmaǵanda túbekti satyp alýǵa bolar edi ǵoi? Bilmeimin...áiteýir territoriiany soǵyspen, kúshpen tartyp alatyndai emes, basqandai ádis-amaldy izdestirý kerek edi. Endi olar Jańareseidi jyr qylyp jatyr. Biraq qazir burynǵy dáýir emes qoi. 21 ǵasyrda ómir súremiz. Al bizdiń basshylardyń oilaý deńgeii, saiasi saýaty ótken ǵasyrdaǵy shalaǵai sheshimderdi eske túsiredi.
Sosyn Reseidiń gaz baǵasyn myń qubyltyp Ýkrainany bopsalaityn eshqandai quqy joq. Bir kezgi KSRO quramyndaǵy el retinde ýkraindar da...belarýster de orystyń qazyna-bailyǵyn ortaq qoldanýǵa quqyly.
Ekinshi dúniejúzilik soǵystyń tusynda orystar, ýkrainder, belorýstar jáne basqa da ult ókilderi Qyzyl áskerdiń quramynda fashizmge qarsy kúresti. Qyzyl imperiianyń mol (qazba) bailyǵyn qorǵap qaldy. KSRO qulaǵannan keiin bir-birimizden alystap kettik. Ýkrainaǵa osy qazyna bailyqty arzan baǵada satsa bolar edi ǵoi? Olar da osy ien jerdiń bailyǵyn qasyq qany qalǵansha qorǵady emes pe? Ádildik qaida? Ádildik joq. Óitkeni bilik basynda urylar otyr.
Al Pýtin reseilikterdiń basyn ainaldyryp alǵan, beikúná túr jasap halyqtyń aianyshyn týǵyzǵysy keledi. Áitpese, anaý bir Peskovtyń (Pýtinniń baspasóz hatshysy) "Batys Pýtinniń biligin qulatqysy keledi" degeni ne sandyraq?
Biz Pýtinniń shańǵy tepkenin kórdik pe, kórdik. Tipti, súńgýir qaiyqqa otyrdy. Kóileksiz júrgen kezine de kýámiz. Bul ony aqylsyzdyǵy, aqymaqtyǵy. Olar eldiń aianyshynan turatyn turatyn qamal turǵyzǵysy keledi. «Bizdiń Pýtindi eshkimge bermeimiz» dep aitqanyn qalaidy.
