Japoriiada ótetin XX jazǵy Aziia oiyndarynda Qazaqstan quramasy sporttyń 35 túrinen 558 sportshymen synǵa túsedi. Bairaqty básekege 45 elden shamamen 15 myń sportshy qatysyp, 469 medal jiyntyǵy sarapqa salynady, dep habarlaidy Dala News.
«Biyl qurama komanda daiyndyǵyna jańa tásilder engizildi. Alǵash ret komandanyń edáýir bóliginiń qorytyndy daiyndyǵy oiyndar ótetin eldiń ózinde uiymdastyrylyp jatyr», — dedi Týrizm jáne sport ministrligi.
Qazaqstan quramasy Aziia oiyndaryna 1994 jyldan beri qatysyp keledi. El sportshylary buǵan deiin jeńil atletika, boks, júzý, aýyr atletika, kúres, dziýdo, eskek esý jáne basqa da sport túrlerinen júldege ie bolǵan.
Qazaqstan quramasynyń Aziia oiyndaryndaǵy medal sany boiynsha rekordtyq kórsetkishi 2006 jyly Dohada tirkeldi. Sol kezde qazaqstandyq sportshylar 23 altyn, 19 kúmis jáne 43 qola medal jeńip alyp, jalpy 85 júlde alǵan.
2014 jyly Inchhonda Qazaqstan quramasy 84 medal enshiledi. Onyń ishinde 28 altyn, 23 kúmis jáne 33 qola júlde bar. Al 2022 jyly Hanchjoýda ótken Aziia oiyndarynda Qazaqstan jalpykomandalyq esepte 11-oryn aldy.
Quramany Aziia oiyndaryna daiyndaý aiasynda jyl basynan beri 226 oqý-jattyǵý jiyny ótkizilgen. Sonymen qatar qazaqstandyq sportshylar 68 sport túrinen 282 halyqaralyq jarysqa qatysqan.
Olardyń qatarynda 26 álem chempionaty, 71 álem kýbogynyń kezeńi, 37 Aziia chempionaty jáne 148 halyqaralyq týrnir bar.
Qurama daiyndyǵyn kúsheitý úshin 11 elden 13 sport túri boiynsha 24 sheteldik maman tartylǵan.
Sportshylardyń fizikalyq jáne fýnktsionaldyq jaǵdaiyn baǵalaý úshin Performance Hub ǵylymi-zertteý toby keshendi testileý júrgizgen. Platformada ár sportshynyń jaǵdaiy baǵalanyp, jattyǵý tsiklderi ǵylymi negizde josparlanady.
Biyl Qazaqstan quramasynyń edáýir bóligi jarys ótetin Japoniiada aldyn ala daiyndalyp jatyr. Qazir sportshylardyń shamamen 80 paiyzy Japoniiada oqý-jattyǵý jiyndarynan ótip, ýaqyt beldeýi men klimatqa beiimdelýde.
Qazaqstan quramasynyń Aziia oiyndaryna arnalǵan sporttyq kiimin japondyq Mizuno kompaniiasy daiyndaǵan. Onyń dizainy oiyndardyń jalpy stilistikasy men logotipine sáikes ázirlengen.
Sporttyq delegatsiia quramyn qalyptastyrý boiynsha biyl alǵash ret biryńǵai normativter bekitildi. Quramǵa jattyqtyrýshylar, dárigerler, massajister jáne sportshylardyń daiyndyǵy men qalpyna kelýine tikelei jaýap beretin basqa da mamandar basymdyqpen engiziledi.
Ministrlik málimetinshe, negizgi maqsattardyń biri — halyqaralyq tájiribeni otandyq jattyqtyrýshylardyń bilimimen ushtastyryp, sportshylardy tek osy Aziia oiyndaryna emes, aldaǵy iri halyqaralyq jarystarǵa da júieli túrde daiyndaý.
