Prezident Qasym-Jomart Toqaev Astana ákimi Jeńis Qasymbekke qoǵamdyq ǵimarattardyń qabyrǵalaryn graffitimen búldiretinderge qatysty qatań shara qabyldaýdy tapsyrdy, dep habarlaidy dalanews.kz.
«Mundaiǵa jol berýge bolmaidy. Zańnamalyq jáne normativtik sipattaǵy sharalar qabyldap, mýnitsipaldyq aýmaqtardy búldiretin mundai “shyǵarmashylyqqa” tolyq tyiym salý kerek», — dedi Memleket basshysy.
Toqaevtyń pikirinshe, qoǵamdyq ǵimarattardyń qabyrǵalary men qalalyq aýmaqtarǵa ruqsatsyz sýret salý vandalizm jáne buzaqylyq retinde qarastyrylýy tiis.
Prezident bul másele tek Astanaǵa ǵana emes, Qazaqstannyń basqa da qalalaryna qatysty ekenin atap ótti.
Memleket basshysy atalǵan áreketterdiń aldyn alý úshin tiisti zańnamalyq jáne normativtik sharalar ázirleýdi tapsyrdy.
