ەۆگەنيي دجۋگاشۆيلي[/caption]
اعىلشىن باسىلىمى Daily Mail-عا سۇحبات بەرگەن ءستاليننىڭ نەمەرەسى ەۆگەنيي دجۋگاشۆيلي ءپۋتيننىڭ ساياساتىن جەردەن الىپ، جەرگە سالىپتى. انىعىراق ايتساق، دجۋگاشۆيلي ماسكەۋدىڭ ازىرگى ارەكەتىن «اقىماق» ساياساتقا بالاعان.
ۋكرايناعا قارسى سوعىس اشىپ، قىرىمدى قول استىنا قاراتقانى ءۇشىن ءپۋتيندى ايىپتايمىن. ال كرەملدەگى ءوزىن ساياسي ەليتا سانايتىنداردىڭ دەرلىگى ۇرى، ولار رەسەيلىكتەردىڭ باسىن اينالدىرىپ وتىر. ال پۋتين ساياساتقا قاراعاندا، وزىنە، ءوزىنىڭ يميدجىنە كوپ كوڭىل بولەدى. شىنىمدى ايتسام، ونىڭ نە ىستەپ جاتقانىن، الدىنا قانداي ماقسات قويعانىن تۇسىنبەيمىن. الدى دا ءبىزدى باۋىرلاس ۇلتپەن ارازداستىرىپ تاستادى (ۋكراينا). بىزدە ءقازىر كوشباسشى، تۋرا جولعا تۇسىرەتىن جەتەكشى جوق. جۇيە ۇرىلاردان تۇرادى.
ال قىرىم سونشالىقتى قاجەت بولىپ جاتسا ونى كۇشپەن ەمەس، زاڭ جولىمەن قايتارۋ كەرەك ەدى. ايتالىق، قىرىمدى ۋكسر-عا بەرگەندەگى نيكيتا حرۋششيەۆتىڭ ارەكەتى قانشالىقتى زاڭدى بولدى جانە بۇل قانداي جاعدايدا جۇزەگە اسىرىلدى؟
ەڭ بولماعاندا تۇبەكتى ساتىپ الۋعا بولار ەدى عوي؟ بىلمەيمىن...ايتەۋىر تەرريتوريانى سوعىسپەن، كۇشپەن تارتىپ الاتىنداي ەمەس، باسقانداي ءادىس-امالدى ىزدەستىرۋ كەرەك ەدى. ەندى ولار جاڭارەسەيدى جىر قىلىپ جاتىر. ءبىراق ءقازىر بۇرىنعى ءداۋىر ەمەس قوي. 21 عاسىردا ءومىر سۇرەمىز. ال ءبىزدىڭ باسشىلاردىڭ ويلاۋ دەڭگەيى، ساياسي ساۋاتى وتكەن عاسىرداعى شالاعاي شەشىمدەردى ەسكە تۇسىرەدى.
سوسىن رەسەيدىڭ گاز باعاسىن مىڭ قۇبىلتىپ ۋكراينانى بوپسالايتىن ەشقانداي قۇقى جوق. ءبىر كەزگى كسرو قۇرامىنداعى ەل رەتىندە ۋكرايندار دا...بەلارۋستەر دە ورىستىڭ قازىنا-بايلىعىن ورتاق قولدانۋعا قۇقىلى.
ەكىنشى دۇنيەجۇزىلىك سوعىستىڭ تۇسىندا ورىستار، ۋكرايندەر، بەلورۋستار جانە باسقا دا ۇلت وكىلدەرى قىزىل اسكەردىڭ قۇرامىندا فاشيزمگە قارسى كۇرەستى. قىزىل يمپەريانىڭ مول (قازبا) بايلىعىن قورعاپ قالدى. كسرو قۇلاعاننان كەيىن بىر-بىرىمىزدەن الىستاپ كەتتىك. ۋكرايناعا وسى قازىنا بايلىقتى ارزان باعادا ساتسا بولار ەدى عوي؟ ولار دا وسى يەن جەردىڭ بايلىعىن قاسىق قانى قالعانشا قورعادى ەمەس پە؟ ادىلدىك قايدا؟ ادىلدىك جوق. ويتكەنى بيلىك باسىندا ۇرىلار وتىر.
ال پۋتين رەسەيلىكتەردىڭ باسىن اينالدىرىپ العان، بەيكۇنا ءتۇر جاساپ حالىقتىڭ ايانىشىن تۋعىزعىسى كەلەدى. ايتپەسە، اناۋ ءبىر پەسكوۆتىڭ (ءپۋتيننىڭ باسپا ءسوز حاتشىسى) "باتىس ءپۋتيننىڭ بيلىگىن قۇلاتقىسى كەلەدى" دەگەنى نە ساندىراق؟
ءبىز ءپۋتيننىڭ شاڭعى تەپكەنىن كوردىك پە، كوردىك. ءتىپتى، سۇڭگۋىر قايىققا وتىردى. كويلەكسىز جۇرگەن كەزىنە دە كۋامىز. بۇل ونى اقىلسىزدىعى، اقىماقتىعى. ولار ەلدىڭ ايانىشىنان تۇراتىن تۇراتىن قامال تۇرعىزعىسى كەلەدى. «ءبىزدىڭ ءپۋتيندى ەشكىمگە بەرمەيمىز» دەپ ايتقانىن قالايدى.
