Qyrǵyzstannyń Jalal-Abad oblysyna qarasty Chatqal aýdanynda 15 jastaǵy jasóspirim soqqydan keiin kóz jumdy. Oqiǵaǵa bailanysty tórt jasóspirim kúdikpen ustaldy, dep habarlaidy dalanews.kz.
Oblystyq ishki ister basqarmasynyń málimetinshe, oqiǵa 18 qyrkúiekte bolǵan. 2011 jyly týǵan jasóspirim Jańy-Bazar aýmaqtyq aýrýhanasyna jetkizilmei jatyp qaitys bolǵan.
Atalǵan derek boiynsha Qyrǵyzstan Qylmystyq kodeksiniń 130-baby – "Densaýlyqqa aýyr ziian keltirý" boiynsha qylmystyq is qozǵaldy.
Tergeý barysynda Chatqal aýdandyq ishki ister bóliminiń qyzmetkerleri qylmysqa kúdikti retinde 17 jastaǵy tórt jasóspirimdi ustaǵan. Olar ýaqytsha ustaý izoliatoryna qamaldy.
Qazirgi ýaqytta tiisti saraptamalar taǵaiyndalyp, tergeý amaldary jalǵasyp jatyr.
Aqparatqa sáikes, qaza bolǵan jasóspirim 9-synypta oqyǵan. Al kúdikpen ustalǵandardyń úsheýi 11-synyp oqýshylary ekeni kórsetilgen.
