قىرعىزستاننىڭ جالال-اباد وبلىسىنا قاراستى چاتقال اۋدانىندا 15 جاستاعى جاسٶسپٸرٸم سوققىدان كەيٸن كٶز جۇمدى. وقيعاعا بايلانىستى تٶرت جاسٶسپٸرٸم كٷدٸكپەن ۇستالدى, دەپ حابارلايدى dalanews.kz.
وبلىستىق ٸشكٸ ٸستەر باسقارماسىنىڭ مەلٸمەتٸنشە, وقيعا 18 قىركٷيەكتە بولعان. 2011 جىلى تۋعان جاسٶسپٸرٸم جاڭى-بازار اۋماقتىق اۋرۋحاناسىنا جەتكٸزٸلمەي جاتىپ قايتىس بولعان.
اتالعان دەرەك بويىنشا قىرعىزستان قىلمىستىق كودەكسٸنٸڭ 130-بابى – "دەنساۋلىققا اۋىر زييان كەلتٸرۋ" بويىنشا قىلمىستىق ٸس قوزعالدى.
تەرگەۋ بارىسىندا چاتقال اۋداندىق ٸشكٸ ٸستەر بٶلٸمٸنٸڭ قىزمەتكەرلەرٸ قىلمىسقا كٷدٸكتٸ رەتٸندە 17 جاستاعى تٶرت جاسٶسپٸرٸمدٸ ۇستاعان. ولار ۋاقىتشا ۇستاۋ يزولياتورىنا قامالدى.
قازٸرگٸ ۋاقىتتا تيٸستٸ ساراپتامالار تاعايىندالىپ, تەرگەۋ امالدارى جالعاسىپ جاتىر.
اقپاراتقا سەيكەس, قازا بولعان جاسٶسپٸرٸم 9-سىنىپتا وقىعان. ال كٷدٸكپەن ۇستالعانداردىڭ ٷشەۋٸ 11-سىنىپ وقۋشىلارى ەكەنٸ كٶرسەتٸلگەن.
