Qyrǵyzstannyń Ulttyq qaýipsizdik memlekettik komıteti belgili qazaqstandyq kásipker Almaz Zarıpov ustalýyna baılanysty pikir bildirdi, - dep habarlaıdy Dalanews.kz Sputnik_Kyrgyzstan-ǵa siltep.
Basylym málimetinshe, ol qyrǵyz azamatyna tıesili 2,5 mln AQSH dollaryn ıemdendi degen kúdikke ilingen.
BAQ derekterinshe, Zarıpov – Kazbrend azyq-túlik holdıńiniń ıesi jáne Qazaqstannyń Agrarlyq-ónerkásiptik odaǵynyń tóraǵasy.
"Aıyptalýshy kinásin tolyq moıyndap, keltirilgen shyǵyndy óteýge kiristi. Osyǵan baılanysty oǵan qatysty bostandyǵynan aıyrýǵa baılanysty emes bultartpaý sharasyn qoldaný máselesi qaralyp jatyr", – dep jazylǵan málimette.
