Almaty sotynda birneshe ret alaiaqtyq jasady degen oqý ortalyǵynyń basshysyna qatysty qylmystyq is qaraldy, dep habarlaidy Dalanews.kz.
Sot aiyptalýshy oqý ortalyǵyn uiymdastyryp, basqarǵanyn anyqtady. Ol ǵalamtordaǵy úzdiksiz jarnama, balalardy sheteldik JOO-ǵa 100% qabyldaýǵa ýáde berý, sondai-aq, Foundation baǵdarlamasy boiynsha turǵylyqty qaladaǵy ortalyqta oqytý arqyly 112 azamatty tartyp, 168 mln teńgeden asa qarajat jinaǵan.
Oqý aqysyn tóleý úshin ol bólip tóleý josparyn nemese qosymsha jeńildikter men nesieni jyldam óńdeý shemasyn usynǵan. Alaida keiin sheteldik oqý da, sertifikattar da berilmegeni belgili boldy.
Sottalýshy óz kinásin moiyndamaǵan. Alaida sot sottalýshyny kináli dep tanyp, 7 jylǵa bas bostandyǵynan aiyrdy.
"QR Konstitýtsiiasynyń 30 jyldyǵyna arnalǵan "Raqymshylyq týraly" zańǵa sáikes merzimi qysqartyldy, osylaisha 5 jyl 7 ai 6 táýlikke bas bostandyǵynan aiyrý jazasy taǵaiyndaldy", - dep jazylǵan habarlamada..
112 jábirlenýshiniń jeteýine keltirilgen shyǵyn ishinara ótelgen. Sottalýshydan jábirlenýshilerdiń paidasyna 168 mln teńgeden asa soma óndirildi.
