Jýyrda tis emdeýge ótinish berý kezinde BJZQ qarajatyn maqsatsyz paidalaný jáne qujattardy qoldan jasaý derekteri áshkere boldy. Qazir Atyraý oblysynda aýqymdy tergeý júrgizilip jatyr. Jýrnalist Mihail Kozachkov osy jaǵdaiǵa bailanysty tyń derek jariialady, dep habarlaidy Dalanews.kz.
Mán-jaiy
Buǵan deiin 15 qyrkúiekten bastap 2026 jylǵy 15 sáýirge deiin enpf-otbasy.kz platformasynda tis emdeýge ótinish qabyldaý toqtatyldy. Artynsha qazaqstandyqtar zeinetaqy jinaǵyn tis emdeýge múldem qoldana almaityn boldy. Munyń bári zeinetaqy jinaǵyn alý kezindegi zańsyzdyqtarǵa bailanysty qabyldandy.
Oǵan qosa Qarjylyq monitoring agenttigi Atyraý oblysynda "Biryńǵai jinaqtaýshy zeinetaqy qorynan" qarajatty zańsyz alýǵa járdem kórsetken 5 qylmystyq toptyń áreketin áshkereledi.
Qansha qarjy tis emdeýge jumsaldy?
Otbasy bank málimetinshe, 2021 jyldan 2025 jylǵy 20 tamyzǵa deiin Otbasy bankiniń enpf-otbasy.kz platformasy arqyly tek "Stomatologiialyq qyzmetter" baǵyty boiynsha 757 mlrd teńgege 795 424 tranzaktsiia jasalǵan.
"Sonyń 222,61 mlrd teńgesi TOP-20 stomatologiialyq klinikaǵa túsken. Bul klinikalardyń jartysy Atyraýda, qalǵandary Almaty men Astanada ornalasqan", - dedi bank ókilderi buǵan deiin.
Bul stomatologiialyq klinikalar týraly ne belgili?
Jýrnalist Mihail Kozachkov jariialaǵan sýrette osyndai 9 klinika kórsetilgen. Olardyń deni Atyraýda ornalasqan. Máselen Atyraýdaǵy "Forward Clinic Atyrau" JShS-ǵa biyldyń ózinde 22 milliard teńgeden asa qarajat túsken. Tizimde Atyraýda ornalasqan alty klinika, Astanada ornalasqan úsh klinika kórsetilgen.
"2025 jylǵy 1 sáýirden bastap 20 tamyzǵa deiin BJZQ-dan tis emdeýge 247 605 309 087 teńge shyǵarylǵan", - dep jazylǵan málimette.
