جۋىردا ءتىس ەمدەۋگە ءوتىنىش بەرۋ كەزىندە بجزق قاراجاتىن ماقساتسىز پايدالانۋ جانە قۇجاتتاردى قولدان جاساۋ دەرەكتەرى اشكەرە بولدى. ءقازىر اتىراۋ وبلىسىندا اۋقىمدى تەرگەۋ جۇرگىزىلىپ جاتىر. جۋرناليست ميحايل كوزاچكوۆ وسى جاعدايعا بايلانىستى تىڭ دەرەك جاريالادى، دەپ حابارلايدى Dalanews.kz.
ءمان-جايى
بۇعان دەيىن 15 قىركۇيەكتەن باستاپ 2026 جىلعى 15 ساۋىرگە دەيىن enpf-otbasy.kz پلاتفورماسىندا ءتىس ەمدەۋگە ءوتىنىش قابىلداۋ توقتاتىلدى. ارتىنشا قازاقستاندىقتار زەينەتاقى جيناعىن ءتىس ەمدەۋگە مۇلدەم قولدانا المايتىن بولدى. مۇنىڭ ءبارى زەينەتاقى جيناعىن الۋ كەزىندەگى زاڭسىزدىقتارعا بايلانىستى قابىلداندى.
وعان قوسا قارجىلىق مونيتورينگ اگەنتتىگى اتىراۋ وبلىسىندا "ءبىرىڭعاي جيناقتاۋشى زەينەتاقى قورىنان" قاراجاتتى زاڭسىز الۋعا جاردەم كورسەتكەن 5 قىلمىستىق توپتىڭ ارەكەتىن اشكەرەلەدى.
قانشا قارجى ءتىس ەمدەۋگە جۇمسالدى؟
وتباسى بانك مالىمەتىنشە، 2021 جىلدان 2025 جىلعى 20 تامىزعا دەيىن وتباسى بانكىنىڭ enpf-otbasy.kz پلاتفورماسى ارقىلى تەك "ستوماتولوگيالىق قىزمەتتەر" باعىتى بويىنشا 757 ملرد تەڭگەگە 795 424 ترانزاكسيا جاسالعان.
"سونىڭ 222،61 ملرد تەڭگەسى توپ-20 ستوماتولوگيالىق كلينيكاعا تۇسكەن. بۇل كلينيكالاردىڭ جارتىسى اتىراۋدا، قالعاندارى الماتى مەن استانادا ورنالاسقان"، - دەدى بانك وكىلدەرى بۇعان دەيىن.
بۇل ستوماتولوگيالىق كلينيكالار تۋرالى نە بەلگىلى؟
جۋرناليست ميحايل كوزاچكوۆ جاريالاعان سۋرەتتە وسىنداي 9 كلينيكا كورسەتىلگەن. ولاردىڭ دەنى اتىراۋدا ورنالاسقان. ماسەلەن اتىراۋداعى "Forward Clinic Atyrau" جشس-عا بيىلدىڭ وزىندە 22 ميلليارد تەڭگەدەن اسا قاراجات تۇسكەن. تىزىمدە اتىراۋدا ورنالاسقان التى كلينيكا، استانادا ورنالاسقان ءۇش كلينيكا كورسەتىلگەن.
"2025 جىلعى 1 ساۋىردەن باستاپ 20 تامىزعا دەيىن بجزق-دان ءتىس ەمدەۋگە 247 605 309 087 تەڭگە شىعارىلعان"، - دەپ جازىلعان مالىمەتتە.
