Memleket basshysy Álemdik jáne dástúrli dinder kóshbasshylarynyń VIII cezine qatysý úshin Astanaǵa kelgen Máskeý jáne búkil Resei patriarhy Kirillmen kezdesti, dep habarlaidy Dalanews.kz.
Prezident búgingi kezdesý Qazaqstan men Resei arasyndaǵy yntymaqtastyqty tereńdetý jolyndaǵy taǵy bir mańyzdy qadam ekenin atap ótti.
– Eń aldymen, Sezge arnaiy kelgenińiz úshin rizashylyǵymdy bildiremin. Sizdiń bul jiynǵa qatysýyńyz, shyn máninde, forýmnyń tabysty ótý turǵysynan mańyzdy. Biz Sizdi qurmetteimiz. Ózińizge málim, Qazaqstan men Resei – strategiialyq seriktes, odaqtas elder, – dedi Memleket basshysy.
Patriarh Kirill Qasym-Jomart Toqaevqa qonaqjailyq tanytqany úshin alǵys aityp, Orys pravoslavie shirkeýiniń missiiasy halyqtar arasyndaǵy beibitshilik pen ózara túsinistikti nyǵaitý ekenin málimdedi.
– Qasietti Qazaqstanǵa kelý meni árdaiym qýantady. Bul bizdiń dostas elimiz. Ǵasyrlar boiy qatar ómir súrip kelemiz. Qazir memleketterimiz bólek bolǵanymen, dostyq, ózara qoldaý jáne yntymaqtastyq tinin berik jalǵap otyrmyz, – dedi Máskeý Patriarhatynyń basshysy.
Qasym-Jomart Toqaev eki el arasyndaǵy rýhani bailanystardy nyǵaitýǵa qosqan úlesi úshin ári airyqsha qurmet belgisi retinde Máskeý jáne búkil Resei patriarhy Kirilldi "Altyn Qyran" ordenimen marapattady.
