Almaty áýejaiynda Olimpiada chempiony Daniiar Eleýsinov ushaqqa otyrǵannan keiin Astanaǵa ushýdan bas tartqan. Ol áýe kemesinen óz betimen shyǵyp ketken, dep habarlaidy dalanews.kz kozachkov offside-qa siltep.
Kólik politsiiasy departamenti málimetinshe, aviatsiialyq qaýipsizdik talaptaryna sáikes qalǵan jolaýshylar da ushaqtan túsirilgen. Olardyń bagajy qaita tekserilip, áýe kemesine qosymsha tekseris júrgizilgen.
Daniiar Eleýsinov Almaty áýejaiyndaǵy jelilik politsiia bólimshesine jetkizilgen. Oǵan bes ákimshilik quqyqbuzýshylyq boiynsha hattama toltyrylǵan. Olardyń qatarynda usaq buzaqylyq, qoǵamdyq orynda mas kúide bolý, qoǵamdyq orynda temeki shegý, ushý qaýipsizdigi talaptaryn jáne áýe kemesindegi tártipti buzý bar.
Quqyqbuzýshylyqtardyń basym bóligi úshin aiyppul qarastyrylǵan. Al usaq buzaqylyq boiynsha 15 táýlikke deiin ákimshilik qamaýǵa alý jazasy qoldanylýy múmkin.
Jolaýshylardyń aitýynsha, oqiǵaǵa Daniiar Eleýsinovtiń áielimen aradaǵy janjaly sebep bolǵan. Osydan keiin ol ushaqtan shyǵyp, perronǵa júgirip ketken.
FlyArystan áýe kompaniiasynyń reisi Astanaǵa úsh saǵatqa keshigip jetken.
