Mańǵystaý oblysynyń ákimdiginde birqatar kadrlyq ózgeris boldy. Erbol Izbergenov oblys ákiminiń birinshi orynbasary, al Bekbol Orynbasarov oblys ákiminiń orynbasary bolyp taǵaiyndaldy, dep habarlaidy dalanews.kz.
Taǵaiyndaýlar Qazaqstan Respýblikasy Prezidenti Ákimshiliginiń kelisimi boiynsha oblys ákimi Nurdáýlet Qilybaidyń ókimimen júzege asqan.
Erbol Izbergenov kim?
Erbol Kúreńtaiuly Izbergenov 1973 jylǵy 11 tamyzda Mańǵystaý oblysy Qaraqiia aýdanynyń Quryq aýylynda dúniege kelgen.
Eńbek jolyn 1991 jyly «Mańǵystaýmunaigazbarlaý» keshendi ekspeditsiiasynyń qurylys-montaj ýchaskesinde tas qalaýshy bolyp bastaǵan.
Keiin óńirdegi qurylys mekemelerinde, Aqtaý qalasy ákimdiginde eńbek etip, Munaily aýdany ákiminiń orynbasary jáne Mańǵystaý oblystyq qurylys basqarmasynyń basshysy qyzmetterin atqardy.
Sondai-aq Qazaqstan Respýblikasy Investitsiialar jáne damý ministrliginde, Densaýlyq saqtaý jáne áleýmettik damý ministrliginde basqarma basshysy bolyp jumys istegen.
2019-2020 jyldary «Aqtaý teńiz porty» arnaiy ekonomikalyq aimaǵy» AQ basqarma tóraǵasynyń orynbasary, keiin «Atameken» respýblikalyq kásipkerlik palatasynyń direktory boldy.
2020-2023 jyldary Aqtaý qalasy ákiminiń orynbasary jáne Aqtaý qalasynyń ákimi qyzmetterin atqarǵan.
2024-2025 jyldary Mańǵystaý oblysy ákiminiń birinshi orynbasary boldy. 2025 jylǵy 2 qyrkúiekten bastap osy ýaqytqa deiin oblys ákiminiń orynbasary qyzmetin atqaryp kelgen.
Bekbol Orynbasarov kim?
Bekbol Tileýmuratuly Orynbasarov 1971 jylǵy 18 maýsymda Mańǵystaý oblysynyń Túpqaraǵan aýdanynda dúniege kelgen.
Eńbek jolyn 1993 jyly Mańǵystaý oblystyq Keden basqarmasynyń «Baýtino» keden beketinde inspektor bolyp bastaǵan.
Ár jyldary bank salasynda, Aqtaý qalasy ákimdiginde jáne oblystyń memlekettik organdarynda qyzmet etti. Aqtaý qalasy ákiminiń kómekshisi, qala ákimi apparatynyń basshysy, turǵyn úi sharýashylyǵy, jolaýshylar kóligi jáne avtomobil joldary bóliminiń basshysy, sondai-aq Aqtaý qalasy ákiminiń orynbasary bolǵan.
2006-2008 jyldary Ekonomika jáne biýdjettik josparlaý ministrliginiń Ishki ákimshilik departamentinde basqarma basshysy qyzmetin atqardy.
2008-2010 jyldary «Kaspii» áleýmettik-kásipkerlik korporatsiiasy» ulttyq kompaniiasy» AQ-ta aktivterdi basqarý departamentiniń direktory, keiin basqarýshy direktor – korporativtik hatshy boldy.
2010-2019 jyldary «Otyrar Enerdji» jáne «Adai» JShS kompaniialarynyń bas direktory qyzmetterin atqarǵan.
2020-2021 jyldary «Aqtaý teńiz porty» arnaiy ekonomikalyq aimaǵy» AQ basqarma tóraǵasy boldy.
2021-2023 jyldary Mańǵystaý oblysy ákiminiń orynbasary, keiin birinshi orynbasary qyzmetterin atqardy.
2023-2026 jyldary Qazaqstan Respýblikasy Parlamenti Senatynyń jetinshi jáne segizinshi shaqyrylymdarynyń depýtaty bolyp, Qarjy jáne biýdjet jónindegi turaqty komitettiń quramynda eńbek etti.
