Sársenbi kúni tańerteń munai baǵasy sońǵy úsh kún qatarynan tirkelgen ósimnen keiin tómendedi,- dep habarlaidy Dalanews.kz
Londondaǵy ICE Futures birjasyndaǵy qarasha aiyna arnalǵan Brent markaly munai fiýchersteri Astana ýaqytymen saǵat 11:14-tegi málimet boiynsha $0,13-ke (0,19%) arzandap, bir barrel úshin $68,34 boldy.
Al Niý-Iork taýar birjasyndaǵy (NYMEX) qazan aiyna arnalǵan WTI munaiynyń fiýchersteri $0,1-ge (0,15%) arzandap, $64,42 barrel deńgeiinde saýdalanýda.
Eske salaiyq, seisenbi kúni Brent baǵasy $67,58-ge deiin ósken edi. Al WTI fiýchersteri $63,46 deńgeiinde bolǵan.
Baǵa ózgeristerine áser etken negizgi faktorlar retinde Taiaý Shyǵystaǵy geosaiasi shielenister (Izraildiń Gazadaǵy operatsiialary), sondai-aq Reseidiń energetika nysandaryna jasalǵan soqqylardan keiin munai jetkiziliminiń qaýipsizdigine qatysty alańdaýshylyq pen halyqaralyq taýarlyq naryqtaǵy geosaiasi táýekelder ataldy. Sondai-aq investorlardyń kóńiline AQSh-taǵy yqtimal sanktsiia jáne Federaldyq rezervtiń paiyzdyq mólsherlemeni ózgertýine qatysty kútýler de áser etti.
