Qazaqstan Prezidenti Qasym-Jomart Toqaev Álemdik jáne dástúrli dinder kóshbasshylarynyń VIII seziniń ashylýynda eldiń tarihyna jáne qazirgi dini kelisim úlgisine toqtaldy, - dep habarlaidy Dalanews.kz
Memleket basshysy qazaq dalasy ejelden órkenietter men dinderdiń toǵysqan mekeni bolǵanyn atap ótti.
«Qazirgi Qazaqstanda da biz osy igi dástúrdi saqtap, odan ári damytýǵa kúsh salamyz. Etnosaralyq jáne dinaralyq kelisim – elimizdiń basty qundylyǵy», – dedi Prezident.
Toqaevtyń aitýynsha, Qazaqstan halqy Assambleiasynyń tájiribesi «Birligimiz – áralýandyqta» qaǵidatyna negizdelgen jáne álemdik deńgeide biregei model retinde baǵalanady.
Prezident kieli oryndardy qorǵaýdyń mańyzdylyǵyn da erekshe atady.
Onyń sózinshe, Qazaqstanda 18 konfessiiaǵa tiesili 4 myńǵa jýyq dini birlestik bar. Memleket Qoja Ahmet Iasaýi kesenesi, Beket ata meshiti, Tamǵaly tas petroglifteri, sinagogalar men shirkeýler sekildi qasietti oryndardy qorǵap, qoldaý kórsetip otyr.
«Kieli jerler – beibitshiliktiń, ózara qurmet pen mádeni sanalýandyqtyń simvoly», – dedi Qasym-Jomart Toqaev.
