قازاقستان پرەزيدەنتى قاسىم-جومارت توقايەۆ الەمدىك جانە ءداستۇرلى دىندەر كوشباسشىلارىنىڭ VIII سەزىنىڭ اشىلۋىندا ەلدىڭ تاريحىنا جانە قازىرگى ءدىني كەلىسىم ۇلگىسىنە توقتالدى، - دەپ حابارلايدى Dalanews.kz
مەملەكەت باسشىسى قازاق دالاسى ەجەلدەن وركەنيەتتەر مەن دىندەردىڭ توعىسقان مەكەنى بولعانىن اتاپ ءوتتى.
«قازىرگى قازاقستاندا دا ءبىز وسى يگى ءداستۇردى ساقتاپ، ودان ءارى دامىتۋعا كۇش سالامىز. ەتنوسارالىق جانە ءدىنارالىق كەلىسىم – ەلىمىزدىڭ باستى قۇندىلىعى»، – دەدى پرەزيدەنت.
توقايەۆتىڭ ايتۋىنشا، قازاقستان حالقى اسسامبلەياسىنىڭ تاجىريبەسى «بىرلىگىمىز – ءارالۋاندىقتا» قاعيداتىنا نەگىزدەلگەن جانە الەمدىك دەڭگەيدە بىرەگەي مودەل رەتىندە باعالانادى.
پرەزيدەنت كيەلى ورىنداردى قورعاۋدىڭ ماڭىزدىلىعىن دا ەرەكشە اتادى.
ونىڭ سوزىنشە، قازاقستاندا 18 كونفەسسياعا تيەسىلى 4 مىڭعا جۋىق ءدىني بىرلەستىك بار. مەملەكەت قوجا احمەت ياساۋي كەسەنەسى، بەكەت اتا مەشىتى، تامعالى تاس پەتروگليفتەرى، سيناگوگالار مەن شىركەۋلەر سەكىلدى قاسيەتتى ورىنداردى قورعاپ، قولداۋ كورسەتىپ وتىر.
«كيەلى جەرلەر – بەيبىتشىلىكتىڭ، ءوزارا قۇرمەت پەن مادەني سانالۋاندىقتىڭ سيمۆولى»، – دەدى قاسىم-جومارت توقايەۆ.
