Almaty oblysynda qatty turmystyq qaldyqtar polıgonyndaǵy órtti sóndirý jumystary áli jalǵasyp jatyr, dep habarlaıdy Dalanews.kz.

Tótenshe jaǵdaılar mınıstri, general-maıor Shyńǵys Árinovtiń tapsyrmasymen keshe keshke oqıǵa ornyna Órtke qarsy qyzmet komıtetiniń tóraǵasy Erlan Tóregeldıev kelgen.

"Polıgonda órtti sóndirý jumystaryn táýlik boıy júzege asyratyn jedel shtab quryldy. Órtti sóndiretin 6 ýchaske quryldy. Oqıǵa ornynda Tereń-Qara ózeninen ashyq sý kózine avtomobıl-sorǵy jeńin ornatý arqyly magıstraldyq jeli tartylyp, sýdy úzdiksiz jetkizý uıymdastyryldy. Bul jumystarǵa 6 tehnıka jumyldyryldy. Órtti sóndirýge 11 órt oqpany jáne 1 tasymaldy lafetti oqpan berildi", - dedi TJM ókilderi.

Málimetke súıensek, 10 metr tereńdiktegi byqsý, jel baǵytynyń ózgerýi jaǵdaıdy qıyndatyp otyr.

Odan bólek órtti sóndirýge Almaty, Shymkent qalalary, Qaraǵandy, Túrkistan, Jambyl, Jetisý jáne Abaı oblystarynyń TJD kúshteri men quraldary, sondaı-aq, áskerı bólimderdiń áskerı qyzmetshileri qosymsha jumyldyrylǵan. Barlyǵy 200-den asa jeke quram men 90-nan asa tehnıka jumys istep jatyr.

Aıta keteıik, Almaty oblysynyń ákimi Marat Sultanǵazıev polıgonǵa eki kún ótken soń ǵana barǵan.