الماتى وبلىسىندا قاتتى تۇرمىستىق قالدىقتار پوليگونىنداعى ءورتتى ءسوندىرۋ جۇمىستارى ءالى جالعاسىپ جاتىر، دەپ حابارلايدى Dalanews.kz.

توتەنشە جاعدايلار ءمينيسترى، گەنەرال-مايور شىڭعىس ءارىنوۆتىڭ تاپسىرماسىمەن كەشە كەشكە وقيعا ورنىنا ورتكە قارسى قىزمەت كوميتەتىنىڭ ءتوراعاسى ەرلان تورەگەلدييەۆ كەلگەن.

"پوليگوندا ءورتتى ءسوندىرۋ جۇمىستارىن تاۋلىك بويى جۇزەگە اسىراتىن جەدەل شتاب قۇرىلدى. ءورتتى سوندىرەتىن 6 ۋچاسكە قۇرىلدى. وقيعا ورنىندا تەرەڭ-قارا وزەنىنەن اشىق سۋ كوزىنە اۆتوموبيل-سورعى جەڭىن ورناتۋ ارقىلى ماگيسترالدىق جەلى تارتىلىپ، سۋدى ۇزدىكسىز جەتكىزۋ ۇيىمداستىرىلدى. بۇل جۇمىستارعا 6 تەحنيكا جۇمىلدىرىلدى. ءورتتى سوندىرۋگە 11 ءورت وقپانى جانە 1 تاسىمالدى لافەتتى وقپان بەرىلدى"، - دەدى تجم وكىلدەرى.

مالىمەتكە سۇيەنسەك، 10 مەتر تەرەڭدىكتەگى بىقسۋ، جەل باعىتىنىڭ وزگەرۋى جاعدايدى قيىنداتىپ وتىر.

ودان بولەك ءورتتى سوندىرۋگە الماتى، شىمكەنت قالالارى، قاراعاندى، تۇركىستان، جامبىل، جەتىسۋ جانە اباي وبلىستارىنىڭ تجد كۇشتەرى مەن قۇرالدارى، سونداي-اق، اسكەري بولىمدەردىڭ اسكەري قىزمەتشىلەرى قوسىمشا جۇمىلدىرىلعان. بارلىعى 200-دەن اسا جەكە قۇرام مەن 90-نان اسا تەحنيكا جۇمىس ىستەپ جاتىر.

ايتا كەتەيىك، الماتى وبلىسىنىڭ اكىمى مارات سۇلتانعازييەۆ پوليگونعا ەكى كۇن وتكەن سوڭ عانا بارعان.