«Qazgidromet» 17-20 qyrkúiekke arnalǵan aýa raiy boljamyn usyndy, dep habarlaidy Dalanews.kz.
Sinoptikterdiń habarlaýynsha, 17 qyrkúiek kúni Qazaqstanda aýa raiy qubylmaly bolady. Soltústik Qazaqstanda túnde tuman túsip, kei jerlerde jańbyr jaýady. Aqmola, Qostanai jáne Pavlodar oblystarynda da ótkinshi jaýyn-shashyn boljanyp otyr, kúndiz kei óńirlerde naizaǵai oinaidy. Aýa temperatýrasy túnde 3-9 gradýs jyly, kúndiz 14-20 gradýsqa deiin kóteriledi.
Al Almaty, Jetisý, Jambyl, Túrkistan, ShQO jáne Abai oblystarynyń taýly aimaqtarynda jańbyr men naizaǵai kútiledi. Taý bókterinde jel kúsheiip, ekpini 15–20 m/s jetýi múmkin.
18-20 qyrkúiek aralyǵynda da ońtústik tsiklon men atmosferalyq frontaldi bólikterdiń áserinen elimizdiń basym bóliginde jańbyr jaýady. Bul kúnderi respýblikanyń soltústik-shyǵysy, ortalyǵy jáne ońtústik-shyǵysynda nóser jańbyr jaýyp, kúshti jel turady, burshaq jaýýy yqtimal. Tek batys jáne soltústik-batys óńirlerde jaýyn-shashynsyz aýa raiy saqtalady.
Aýa temperatýrasy aimaqtarda ártúrli bolady:
-
Batysta túnde 10-18°, kúndiz 18-23° jyly;
-
Soltústik-batysta túnde 1-10° jyly, kei jerlerde 2° úsik, kúndiz 18-25°;
-
Soltústikte túnde 2-10° jyly, kei aimaqta 2° úsik, kúndiz 17-23°;
-
Ortalyqta túnde 0-8°, kúndiz 15-25° jyly;
-
Shyǵysta túnde 2-13°, kúndiz 10-18° jyly;
-
Ońtústikte túnde 7-15°, kúndiz 20-28° jyly;
-
Ońtústik-shyǵysta túnde 8-14°, kúndiz 15-25° jyly bolady.
Sinoptikterdiń aitýynsha, soltústik-batysta, soltústikte jáne shyǵysta túngi jáne tańǵy ýaqytta tuman túsýi múmkin.
