«قازگيدرومەت» 17-20 قىركۇيەككە ارنالعان اۋا رايى بولجامىن ۇسىندى، دەپ حابارلايدى Dalanews.kz.

سينوپتيكتەردىڭ حابارلاۋىنشا، 17 قىركۇيەك كۇنى قازاقستاندا اۋا رايى قۇبىلمالى بولادى. سولتۇستىك قازاقستاندا تۇندە تۇمان ءتۇسىپ، كەي جەرلەردە جاڭبىر جاۋادى. اقمولا، قوستاناي جانە پاۆلودار وبلىستارىندا دا وتكىنشى جاۋىن-شاشىن بولجانىپ وتىر، كۇندىز كەي وڭىرلەردە نايزاعاي وينايدى. اۋا تەمپەراتۋراسى تۇندە 3-9 گرادۋس جىلى، كۇندىز 14-20 گرادۋسقا دەيىن كوتەرىلەدى.

ال الماتى، جەتىسۋ، جامبىل، تۇركىستان، شقو جانە اباي وبلىستارىنىڭ تاۋلى ايماقتارىندا جاڭبىر مەن نايزاعاي كۇتىلەدى. تاۋ بوكتەرىندە جەل كۇشەيىپ، ەكپىنى 15–20 م/س جەتۋى مۇمكىن.

18-20 قىركۇيەك ارالىعىندا دا وڭتۇستىك سيكلون مەن اتموسفەرالىق ءفرونتالدى بولىكتەردىڭ اسەرىنەن ەلىمىزدىڭ باسىم بولىگىندە جاڭبىر جاۋادى. بۇل كۇندەرى رەسپۋبليكانىڭ سولتۇستىك-شىعىسى، ورتالىعى جانە وڭتۇستىك-شىعىسىندا نوسەر جاڭبىر جاۋىپ، كۇشتى جەل تۇرادى، بۇرشاق جاۋۋى ىقتيمال. تەك باتىس جانە سولتۇستىك-باتىس وڭىرلەردە جاۋىن-شاشىنسىز اۋا رايى ساقتالادى.

اۋا تەمپەراتۋراسى ايماقتاردا ءارتۇرلى بولادى:

• باتىستا تۇندە 10-18°، كۇندىز 18-23° جىلى؛

• سولتۇستىك-باتىستا تۇندە 1-10° جىلى، كەي جەرلەردە 2° ۇسىك، كۇندىز 18-25°؛

• سولتۇستىكتە تۇندە 2-10° جىلى، كەي ايماقتا 2° ۇسىك، كۇندىز 17-23°؛

• ورتالىقتا تۇندە 0-8°، كۇندىز 15-25° جىلى؛

• شىعىستا تۇندە 2-13°، كۇندىز 10-18° جىلى؛

• وڭتۇستىكتە تۇندە 7-15°، كۇندىز 20-28° جىلى؛

• وڭتۇستىك-شىعىستا تۇندە 8-14°، كۇندىز 15-25° جىلى بولادى.

سينوپتيكتەردىڭ ايتۋىنشا، سولتۇستىك-باتىستا، سولتۇستىكتە جانە شىعىستا تۇنگى جانە تاڭعى ۋاقىتتا تۇمان ءتۇسۋى مۇمكىن.