Talǵardaǵy bir kósheni Sherzat Polattyń qurmetine ataý usynyldy, dep habarlaidy Dalanews.kz.
Bul usynysty Sherzattyń ákesi Qarjaýbai Nurymovtyń advokaty Meiirman Shekeev jasaǵan.
"Sherzattyń atyna kóshe berilsin! 16 jasar Sherzattyń qany tógilip, qaitys bolǵan jerdegi kóshelerdiń ataýlary Mendellev jáne Rýsstavelli dep atalady. Ekeýi de Talǵarǵa, tipti Qazaqstanǵa eńbek sińirgen qazaq tulǵalalary emes", - deidi advokat.
Ol bul usynysyn Talǵar ákimine aitqan.
"Sondyqtan men Talǵar qalasynyń ákimi Arystan Baýyryma Mendeleev kóshesin marqum Sherzattyń atymen ataýyn usyndym. Ol usynysyma múmkindiginshe qoldaý bildiretinin jetkizdi. Nege ondai oiǵa keldim ol jaily keiinirek túsindirip jatarmyn. Al sizder qalai qaraisyzdar, qoldaisyzdarma?", - deidi Shekeev.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵannan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
Is boiynsha sot sheshimi shyqty. Tergeý málimetinshe, Sherzatqa pyshaq jaraqatyn salǵan basty aiyptalýshy Abzal Shynasyl 23 jylǵa bas bostandyǵynan aiyryldy. Ravil Sakiev 20 jylǵa sottaldy.
Qalǵan aiyptalýshylar 7 jyldan 15 jylǵa deiin bas bostandyǵynan aiyryldy. Kámeletke tolmaǵan Y.D. 1,5 jylǵa bas bostandyǵynan aiyryldy.
