"Aqjoldyqtar" óz málimdemesinde "Bolashaq" baǵdarlamasyn júzege asyrýshylardyń jumysy suiylyp ketken jasyrmapty.
– Bizdiń "Bolashaqqa" qatysty suraǵymyz kóp. Búginde Májiliste jańa "Áleýmettik kodeks" talqylanýda. Osy zańnamany talqalaý kezinde elimizge aldaǵy ýaqytta ózekti máselelerdi sheshý úshin ózge elderden 200 ǵylymi qyzmetkerler men mamandardy tartý kerek eken.
Dál osy sátte bizdiń "Bolashaqpen" shetelde oqyp kelgen mamandar qaida degen zańdy suraq týyndaidy. Rasymen de bizdiń mamandar qaida?
30 jylda 12 myńnan astam maman daiaarlanǵan. Biraq elimizde maman tapshylyǵy áli joiylǵan joq. Osydan-aq "Bolashaq" baǵdarlamasy ózine tapsyrylǵan mindetti tolyq oryndamaǵanyn baiqaimyz, – dep aqjoldyqtar máseleni Úkimetke qabyrǵasynan qoiypty.
Aitsa aitqanda 30 jyl boiy "Bolashaq" baǵdarlamasy boiynsha maman daiyndasaq ta, maman tapshylyǵy joiylǵan joq.
Biraq biliktiń ushar basyndaǵy jaýapty qyzmetterge taǵaiyndalyp jatqan jas kadrlardy báriniń "biografiiasyna" qarasańyz, Amerika men Batys elderiniń áidik ýniversitetterinde bilim alǵan bilikti maman ekenin baiqaýǵa bolady.
Biraq eshqaisyń sol alǵan mamandyqtary boiynsha ǵylymmen ainalysyp, ǵylymda jetistikke jetpegen.
Shetelde oqyp kelgen jastardyń bári biliktiń jalyna jarmasyp, sheneýnik bolýǵa qumar. Osydan keiin kez kelgen adamnyń kókeiinde "bolashaqtyqtardyń" kópshiligi shendi bolý úshin shetelde oqyǵan ba degen suraq týyndaidy.
Halyqqa "Bolashqpen" oqyp kelgenderdiń basshy-qosyshy, agenttik tóraǵasy, ákim orynbasary bolǵanynyń ne keregi bar?
Eger jaǵdai osylai jalǵasa beretin bolsa, "Bolashaq" baǵdarlamasyn jaba salý kerek qoi. Bilik basyna barǵan "bolashaqtyqtardyń" el úshin taý qoparyp, tas jarǵanyn da kórmedik.
"Bolashaqtyń" alǵashqy túlegi Bishimbaevtyń jemqorlyqqa shatylyp, abaqtyǵa qamalǵanyn jurttyń bári biledi. Sondyqtan "Aq jol" partiiasynyń Májilistegi ókilderiniń másele kóterýi óte oryndy.
– Sońǵy ýaqyttary "Bolashaq" stependiattarynyń árqaisynyń jumsalatyn shyǵynnyń 30 paiyzy kúmándi agenttik komissiiasyna jumsalatynyn qulaǵymyz shalyp qaldy. Muny britandyq ýniversitetter málim etken bolatyn.
Budan basqa "Bolashaq" baǵdarlamasyna baǵyttalǵan qarjyny ortalyq qyzmetkerleri bank depozitterine salynyp, 3 mlrd teńgeni joq qylǵanyn da bilemiz.
Al 2018 jyly «Astana banki» bankrot bolǵanda Halyqaralyq baǵdarlamalar ortalyǵy biýdjetiniń 7%-yn joǵaltqanyn qalai umytýǵa bolady? Bul az deseńizder, 2019 jyly Antikor ortalyqty tekserý júrgizgende qarjyǵa qatysty kóptegen keleńsizdikterdi anyqtaǵan.
Aitalyq, qarjyny durys basqarmaý, stependiiattarǵa tólem jasaýda ortaq tártiptiń bolaýy, jumystyń tiimsizdigi syndy máseleler sý betine qalqyp shyqty, – dep "Aq jol" partiiasy ashy shyndyqty jaiyp saldy.
Endi "Bolashaqtyń" túlegi QR Ǵylym jáne joǵarǵy bilim ministri Saiasat Nurbek dál osy máselege qatysty túsinikteme berýi kerek.
