Lider.kz volenterlik uiymy Aqmola oblysyndaǵy jetekshi qoǵamdyq uiymdardy biri desek bolady. Oblys turǵydany uiymnyń jumysymen jaqsy tanys.
Qoǵamdyq uiym belsendileri alty jyldan beri tynymsyz jumys istep, kómekke muqtaj jandarǵa qol ushyn sozyp, óńirde azamattyq qoǵamdy damytyp keledi.
Uiym kóshbasylarynyń biri Olesia Baimova aitýynsha, 6 jylda Lider.kz-tiń volenterlerine 6 myńǵa jýyq ótinish túsip, eriktiler 5400 adamǵa qol ushyn sozǵan.
– Men bala keziminen ainalamdaǵy jaqandarym men dostaryma kómek kórsetýge daiyn turatynmyn. Jurtqa kómek kórsetý maǵan qatty unaityn-dy. Osy bala kezdege ádet meni Lider.kz volenterlik uiymymen tyǵyz jumys isteýge sebepker boldy.
Budan basqa qazaqtardyń qiyndyqqa tap bolǵan jandarǵa kómek kórsetýge árqashanda daiyn turý meniń voletnerlikpen ainalysýyma yqpal etkeni anyq.
Ol kezde qazirgidei dereý iske kirise ketetin volenterlik uiymdar joq edi. Biraq qarshadai qyzdy izdeýge Astana men qala mańyndaǵy eldimekenderden kóptegen adamdar qatysty.
Osylaisha eki jasar qyzdy 10 kún boiy izdedep, ózen boiynan áreń degende tapqan edik.
Sol kezden bastap bizdiń Lider.kz volenterlik uiymynyń chaty paida boldy. Mine, sodan beri attai 6 jyl ótti. Osy ýaqyt aralyǵynda adasyp qalǵan talai balany taýyp, ata-anasymen qaýyshtyrdyq.
Osydan keiin bizder Qazaqstan boiynsha joǵalǵan adamdardy izdeitin Lider.kz volenterlik uiymyn qurdyq. Qazirgi tańda uiymymyz tabysty jumys isteýde, – dep Olesia Baimova volenterlik uiymnyń qalai qurylǵanyn aityp berdi.
Búginde Lider.kz volenterlik uiymyna elimizdiń ózge 50 qalasynan eriktilerdiń basyn qosyp otyr. Osylaisha uiymǵa múshe volenterlerdiń sany alty jylda 5 myńnan asqan.
Lider.kz volenterlik uiymy qanatyn keńge jaiǵannan keiin onyń atqaratyn is-sharalary da keńeie túskeni belegili. Búginde volenterlik uiym qaiyrymdylyq is-sharalaryn uiymdastyryp, turmys jaǵdaiy tómen, kópbalaly otbasylarǵa qaiyrymdylyq kómek kórsetip turýdy dástúrge ainaldyrǵan.
«Eń alǵan qaiyrymdylyq sharasyn uiymdastyrǵanymyzda Býrabai aýdanyndaǵy 250 balaǵa qol kómek kórsetkenbiz» deidi Olesia.
Budan basqa Lider.kz volenterlik uiymy kómekke muqtaj jandarǵa da qol ushyn sozyp keledi. Osy rette uiym uiytqy bolǵan «Qaiyrymdylyq sóresi» dep atalatyn jobasy sátti júzege aspy, Aqmola oblysynda úlken qoldaýǵa ie bolǵanyn airyqsha atap aitýǵa bolady. Atalǵan joba aiasynda azyq-túlikke muqtaj jandarǵa qoldaý kórsetilýde.
Uiymnyń bul jobasyna óńirdegi kásipkerler de airyqsha qoldaý kórsetýde. Qazirgi tańda mundai «qaiyrymdylyq sóreleri» Aqmola oblysynyń ózge óńirlerinde de ashylyp, turmysy tómen jandarǵa qoldaý kórsetýde.
Osylaisha Lider.kz volenterlik uiymynyń jumysy Aqmola oblysy turǵyndarynyń kóńilinen shyǵyp, halyqtyń yqylasyna bólenýde.
Pandemiia kezinde Lider.kz volenterlik uiymynyń qyzmetine halyq arasynda suranys arta túsken. Bul týrasynda Olesia Baimova bylaisha baiandap berdi:
– Pandemiia kezinde elimizdegi kásiporyndar jumysyn toqtatyp, halyq úiinen shyǵa almai qaldy. Kóptegen adamdar jumysynan aiyrylyp, kúndelikti azyq-túlikke degen muqtajdyq artty.
Alǵashqy kezde óz aramyzda aqsha jinap, halyqqa kómekke kórsetýge týra keldi. Keiinnen bizge kásipkerler qosyldy.
Pandemiia órshigen eki aida bizdiń uiym 9 mln teńge jinap, onyń bárine azyq-túlik alyp, muqtaj jandarǵa taratyp berdik. Osylaisha bir ǵana Býrabai aýdanynda 600 otbasyn azyq-túlikpen qamtyǵanymyzdy maqtanyshpen aita alamyn, – deidi Olesia Baimova.
Iá, aitsa aitqandai pandemiia kezinde halyq qatty qinaldy. Tutas eldiń basyna túsken nábetti eńserýde volenterlerdiń kóp kómegi tigenin bárimiz bilemiz.
Lider.kz volenterlik uiymynyń kóshbasshysy Olesia Baimova qoǵamdyq uiymnyń jumysyn sátti júrgizip, mol tájiribe jinaǵany belgili.
Sol kezde Olesia atalǵan birlestiktiń Aqmola oblysy boiynsha filialynyń jetekshisi qyzmetin atqaryp, ózine tapsyrylǵan isti asqan jaýapkershilikpen atqarǵan.
– Pandemiia kezinde bizder gýmanitarlyq kómektiń dittegen jerine jetýi men kovid ortalyqtardyń jumysyna kún saiyn monitoring jasadyq.
Al karantin bastalyp, jurttyń júrip-turýyna shektelgende, jergilikti bilik oryndary bizdiń el ishine barýymyzǵa ruqsat etti.
Osy múmkindikti paidalanyp, halyqqa qajetti dári-dirmekti, maskalardy blok postardan qabyldap alyp, aýdan-aýldarǵa tarttyq. Óz basym pandemiia elimizdegi volenterlik qyzmetti jańa sapaǵa kóterdi dep nyq senimmen aita alamyn, – deidi Olesia.
Pandemiia elimizdegi volenterlik uiymdar úshin úlken synaq bolǵany sózsiz. Desek te Lider.kz sekildi volenterlik uiymdar bul baǵyttaǵy jumystardy qamshy saldyrmai atqaryp, jurttyń alǵysyna ie boldy.
Jazyp alǵan Ainur Jumahan
