Lider.kz ۆولەنتەرلٸك ۇيىمى اقمولا وبلىسىنداعى جەتەكشٸ قوعامدىق ۇيىمداردى بٸرٸ دەسەك بولادى. وبلىس تۇرعىدانى ۇيىمنىڭ جۇمىسىمەن جاقسى تانىس.
قوعامدىق ۇيىم بەلسەندٸلەرٸ التى جىلدان بەرٸ تىنىمسىز جۇمىس ٸستەپ, كٶمەككە مۇقتاج جاندارعا قول ۇشىن سوزىپ, ٶڭٸردە ازاماتتىق قوعامدى دامىتىپ كەلەدٸ.
ۇيىم كٶشباسىلارىنىڭ بٸرٸ ولەسيا بايموۆا ايتۋىنشا, 6 جىلدا Lider.kz-تٸڭ ۆولەنتەرلەرٸنە 6 مىڭعا جۋىق ٶتٸنٸش تٷسٸپ, ەرٸكتٸلەر 5400 ادامعا قول ۇشىن سوزعان.
– مەن بالا كەزٸمٸنەن اينالامداعى جاقاندارىم مەن دوستارىما كٶمەك كٶرسەتۋگە دايىن تۇراتىنمىن. جۇرتقا كٶمەك كٶرسەتۋ ماعان قاتتى ۇنايتىن-دى. وسى بالا كەزدەگە ەدەت مەنٸ Lider.kz ۆولەنتەرلٸك ۇيىمىمەن تىعىز جۇمىس ٸستەۋگە سەبەپكەر بولدى.
بۇدان باسقا قازاقتاردىڭ قيىندىققا تاپ بولعان جاندارعا كٶمەك كٶرسەتۋگە ەرقاشاندا دايىن تۇرۋ مەنٸڭ ۆولەتنەرلٸكپەن اينالىسۋىما ىقپال ەتكەنٸ انىق.
ول كەزدە قازٸرگٸدەي دەرەۋ ٸسكە كٸرٸسە كەتەتٸن ۆولەنتەرلٸك ۇيىمدار جوق ەدٸ. بٸراق قارشاداي قىزدى ٸزدەۋگە استانا مەن قالا ماڭىنداعى ەلدٸمەكەندەردەن كٶپتەگەن ادامدار قاتىستى.
وسىلايشا ەكٸ جاسار قىزدى 10 كٷن بويى ٸزدەدەپ, ٶزەن بويىنان ەرەڭ دەگەندە تاپقان ەدٸك.
سول كەزدەن باستاپ بٸزدٸڭ Lider.kz ۆولەنتەرلٸك ۇيىمىنىڭ چاتى پايدا بولدى. مٸنە, سودان بەرٸ اتتاي 6 جىل ٶتتٸ. وسى ۋاقىت ارالىعىندا اداسىپ قالعان تالاي بالانى تاۋىپ, اتا-اناسىمەن قاۋىشتىردىق.
وسىدان كەيٸن بٸزدەر قازاقستان بويىنشا جوعالعان ادامداردى ٸزدەيتٸن Lider.kz ۆولەنتەرلٸك ۇيىمىن قۇردىق. قازٸرگٸ تاڭدا ۇيىمىمىز تابىستى جۇمىس ٸستەۋدە, – دەپ ولەسيا بايموۆا ۆولەنتەرلٸك ۇيىمنىڭ قالاي قۇرىلعانىن ايتىپ بەردٸ.
بٷگٸندە Lider.kz ۆولەنتەرلٸك ۇيىمىنا ەلٸمٸزدٸڭ ٶزگە 50 قالاسىنان ەرٸكتٸلەردٸڭ باسىن قوسىپ وتىر. وسىلايشا ۇيىمعا مٷشە ۆولەنتەرلەردٸڭ سانى التى جىلدا 5 مىڭنان اسقان.
Lider.kz ۆولەنتەرلٸك ۇيىمى قاناتىن كەڭگە جايعاننان كەيٸن ونىڭ اتقاراتىن ٸس-شارالارى دا كەڭەيە تٷسكەنٸ بەلەگٸلٸ. بٷگٸندە ۆولەنتەرلٸك ۇيىم قايىرىمدىلىق ٸس-شارالارىن ۇيىمداستىرىپ, تۇرمىس جاعدايى تٶمەن, كٶپبالالى وتباسىلارعا قايىرىمدىلىق كٶمەك كٶرسەتٸپ تۇرۋدى دەستٷرگە اينالدىرعان.
«ەڭ العان قايىرىمدىلىق شاراسىن ۇيىمداستىرعانىمىزدا بۋراباي اۋدانىنداعى 250 بالاعا قول كٶمەك كٶرسەتكەنبٸز» دەيدٸ ولەسيا.
بۇدان باسقا Lider.kz ۆولەنتەرلٸك ۇيىمى كٶمەككە مۇقتاج جاندارعا دا قول ۇشىن سوزىپ كەلەدٸ. وسى رەتتە ۇيىم ۇيىتقى بولعان «قايىرىمدىلىق سٶرەسٸ» دەپ اتالاتىن جوباسى سەتتٸ جٷزەگە اسپى, اقمولا وبلىسىندا ٷلكەن قولداۋعا يە بولعانىن ايرىقشا اتاپ ايتۋعا بولادى. اتالعان جوبا اياسىندا ازىق-تٷلٸككە مۇقتاج جاندارعا قولداۋ كٶرسەتٸلۋدە.
ۇيىمنىڭ بۇل جوباسىنا ٶڭٸردەگٸ كەسٸپكەرلەر دە ايرىقشا قولداۋ كٶرسەتۋدە. قازٸرگٸ تاڭدا مۇنداي «قايىرىمدىلىق سٶرەلەرٸ» اقمولا وبلىسىنىڭ ٶزگە ٶڭٸرلەرٸندە دە اشىلىپ, تۇرمىسى تٶمەن جاندارعا قولداۋ كٶرسەتۋدە.
وسىلايشا Lider.kz ۆولەنتەرلٸك ۇيىمىنىڭ جۇمىسى اقمولا وبلىسى تۇرعىندارىنىڭ كٶڭٸلٸنەن شىعىپ, حالىقتىڭ ىقىلاسىنا بٶلەنۋدە.
پاندەمييا كەزٸندە Lider.kz ۆولەنتەرلٸك ۇيىمىنىڭ قىزمەتٸنە حالىق اراسىندا سۇرانىس ارتا تٷسكەن. بۇل تۋراسىندا ولەسيا بايموۆا بىلايشا بايانداپ بەردٸ:
– پاندەمييا كەزٸندە ەلٸمٸزدەگٸ كەسٸپورىندار جۇمىسىن توقتاتىپ, حالىق ٷيٸنەن شىعا الماي قالدى. كٶپتەگەن ادامدار جۇمىسىنان ايىرىلىپ, كٷندەلٸكتٸ ازىق-تٷلٸككە دەگەن مۇقتاجدىق ارتتى.
العاشقى كەزدە ٶز ارامىزدا اقشا جيناپ, حالىققا كٶمەككە كٶرسەتۋگە تۋرا كەلدٸ. كەيٸننەن بٸزگە كەسٸپكەرلەر قوسىلدى.
پاندەمييا ٶرشٸگەن ەكٸ ايدا بٸزدٸڭ ۇيىم 9 ملن تەڭگە جيناپ, ونىڭ بەرٸنە ازىق-تٷلٸك الىپ, مۇقتاج جاندارعا تاراتىپ بەردٸك. وسىلايشا بٸر عانا بۋراباي اۋدانىندا 600 وتباسىن ازىق-تٷلٸكپەن قامتىعانىمىزدى ماقتانىشپەن ايتا الامىن, – دەيدٸ ولەسيا بايموۆا.
يە, ايتسا ايتقانداي پاندەمييا كەزٸندە حالىق قاتتى قينالدى. تۇتاس ەلدٸڭ باسىنا تٷسكەن نەبەتتٸ ەڭسەرۋدە ۆولەنتەرلەردٸڭ كٶپ كٶمەگٸ تيگەنٸن بەرٸمٸز بٸلەمٸز.
Lider.kz ۆولەنتەرلٸك ۇيىمىنىڭ كٶشباسشىسى ولەسيا بايموۆا قوعامدىق ۇيىمنىڭ جۇمىسىن سەتتٸ جٷرگٸزٸپ, مول تەجٸريبە جيناعانى بەلگٸلٸ.
سول كەزدە ولەسيا اتالعان بٸرلەستٸكتٸڭ اقمولا وبلىسى بويىنشا فيليالىنىڭ جەتەكشٸسٸ قىزمەتٸن اتقارىپ, ٶزٸنە تاپسىرىلعان ٸستٸ اسقان جاۋاپكەرشٸلٸكپەن اتقارعان.
– پاندەمييا كەزٸندە بٸزدەر گۋمانيتارلىق كٶمەكتٸڭ دٸتتەگەن جەرٸنە جەتۋٸ مەن كوۆيد ورتالىقتاردىڭ جۇمىسىنا كٷن سايىن مونيتورينگ جاسادىق.
ال كارانتين باستالىپ, جۇرتتىڭ جٷرٸپ-تۇرۋىنا شەكتەلگەندە, جەرگٸلٸكتٸ بيلٸك ورىندارى بٸزدٸڭ ەل ٸشٸنە بارۋىمىزعا رۇقسات ەتتٸ.
وسى مٷمكٸندٸكتٸ پايدالانىپ, حالىققا قاجەتتٸ دەرٸ-دٸرمەكتٸ, ماسكالاردى بلوك پوستاردان قابىلداپ الىپ, اۋدان-اۋلدارعا تارتتىق. ٶز باسىم پاندەمييا ەلٸمٸزدەگٸ ۆولەنتەرلٸك قىزمەتتٸ جاڭا ساپاعا كٶتەردٸ دەپ نىق سەنٸممەن ايتا الامىن, – دەيدٸ ولەسيا.
پاندەمييا ەلٸمٸزدەگٸ ۆولەنتەرلٸك ۇيىمدار ٷشٸن ٷلكەن سىناق بولعانى سٶزسٸز. دەسەك تە Lider.kz سەكٸلدٸ ۆولەنتەرلٸك ۇيىمدار بۇل باعىتتاعى جۇمىستاردى قامشى سالدىرماي اتقارىپ, جۇرتتىڭ العىسىنا يە بولدى.
جازىپ العان اينۇر جۇماحان
