Osy ýaqytqa deiin aldyńǵy býyn ǵoi, áriptes qoi, ózim tv salasynda júrip áriptesterdiń kemshiligin aitqanym durys bolmas, solidarnost saqtaiyq dep keldim.
Búgin “Óz oiym” baǵdarlamasynda óziniń jáne qurbysynyń páktigin saýdaǵa salyp biznes jasap júrgen bikeshtiń áńgimesin tyńdap, kórip shok boldym.
Ainalaiyndar-aý, bul ne masqara? Osy ýaqytqa deiin bul baǵdarlamada qanshama arsyz nárseler ashyq nasixattalyp keldi, qoia ma desek joq, kerisinshe kúsheiip barady ǵoi.
Redaktsiiada baǵdarlamany daiyndap jatqanda bul keiipkerlerdiń áńgimesi jurtqa ne beredi, jastardyń sanasyna qalai áser etedi dep oilaityn maman joq pa sonda?
Álde reiting jinaýdyń eń arzan tásili me? Sol reiting sizderge qansha teńge tabys ákeledi, aityńyzdarshy? Bir qaýym el bop aqsha jinap bereiik, sizder bul baǵdarlamany kórsetpei-aq qoiyńyzdar.
Kúndiz jumys bolǵandyqtan kúndizgi efirdi kórmeimin.
Biraq úide analarymyz, áielderimiz, jeńgelerimiz, qaryndastyrymyz túski praim taimdaǵy bul baǵdarlamany tamashalaidy. Basqa ne isteidi, búgingi tv nyń siqy mynaý: bul ýaqytta bir arnada “Kel kelinimniń” keiipkerleri shash julysyp jatady, bir arnada “Qalaýlym”, al, bir arnada “Óz oiym”. Kórermende tańdaý joq.
Kórermen osy úsheýiniń bireýin kórýge májbúr.
Túrikter qarsy shyǵyp kórsetkizbei qoiǵan “Qalaýlymǵa” qarsy bolǵan qaýym “Óz oiymǵa” nege qarsy emes? Jurt myna bylyqty kórgenshe “Qalaýlymdy” kóre bersin. Ras aitam.
Láilá xanym, múmkin sizge osy betińnen taima, osy durys dep aqyl aitatyndar bar shyǵar. Múmkin ózińizge osy durys kórinetin shyǵar, bilmeimin. Biraq, men sizge shynyn aitaiyn, dál osyndai keiipkerlerge arnalǵan, osyndai nárselerdi nasixattaityn tok shoý bizge qajet emes. Bal ara gúlge qonady, shybyn-shirkei qoqys-kúlge qonady. Qoǵamnyń qoqysyn byqsyta bergennen ne paida?
Nege biz jaqsyny aityp, jaqsyny nasixattamaimyz? Bizden basqa eshqandai el mundai shoýdy kórsetpeidi.
Kórshi Reseide nemese basqa elderde bar deseńiz, iá, olarda bola beredi, biraq dál osy baǵytta emes. Onyń ústine ol eldiń tárbiesi, dúnietanymy, mentaliteti bólek. Al, biz qazaqpyz, musylmanbyz. Bizge bul nárseler jat.
Mundai baǵdarlamalar Ózbekstanda, Qyrǵyzstanda, Ázirbaijanda, Tájikistanda, Túrkiiada, Qytaida, Koreiada, tipti keibir batys elderinde de kórsetilmeidi (óz kózimmen kórgen elderdi aityp otyrmyn).
Dardai atyńyzǵa, memleketten alǵan ataǵyńyzǵa syn.
Bul baǵdarlamany efirge shyǵarmai-aq qoiyńyz. Biz ótemiz, istegen isimiz qalady. Artymyzdan qarǵys emes saýap keletin iske umtylaiyq, áriptester!
