Biregei jobanyń maqsaty - óńirimizde kórshiler arasyndaǵy qarym-qatynastardy jańǵyrtý jáne nyǵaitý, sondai-aq aýla turǵyndarynyń bos ýaqytyn qyzyqty uiymdastyrý.
Pavlodar qalasynyń 15 aýlasynda jobanyń uiymdastyrýshylary turǵyndardy Elbasynyń «Bolashaqqa baǵdar: qoǵamdyq sanany jańǵyrtý» baǵdarlamasynyń eki jyldyǵyna arnalǵan is-sharalarǵa qatysýǵa shaqyrady.
Oǵan barlyq aýlalardaǵy úi sharýashylyǵyndaǵy áielder, balalar, ájeler, atalar jáne úilerine túski asqa keletin turǵyndar qatysa alady.
Is-sharanyń baǵdarlamasyna qoldanbaly óner sheberleriniń sheberlik synyptary, bezendirý-qoldanbaly óner kórmesi, «toǵyz qumalaqtan», «asyq atýdan» jarystar, sondai-aq basqa da tanymdyq, aǵartýshylyq jáne mádeni-saýyq is-sharalary engizildi.
Sonymen qatar ulttyq salt-dástúrlerdiń elementteri kórsetiledi. Bul: sabantoi, itkóilek, toqymqaǵar, erýlik, shildehana, besikke salý, tusaý kesý, qyrqynan shyǵarý, besik toi, baýyryna salý, jeti ata, qulaq tesý jáne basqalary.
Oblystyq joba óńir turǵyndaryn bizdiń azamattarymyzdyń sanasyn jańǵyrtý boiynsha jańa ideialarǵa bastamashyl bolýǵa baǵyttalǵan. Kóp qabatty turǵyn úilerdiń turǵyndary úshin usynystar retinde arnaiy jadnama daiyndaldy.
Jadnamada kórshiler arasyndaǵy «Erýlik», «Sybaǵa» jáne t.b. tabiǵatqa birlesken saiahattarǵa shyǵý, bir jaqqa jol júrgende úi haiýandaryn kórshilerge tabystaý siiaqty dástúrlerdi qalpyna keltirý, sondai-aq turmystyq máselelerdi uiymdasqan túrde birlesip sheshý boiynsha usynystar bar.
Oblystyq «Kórshi» jobasy ár ai saiyn ótkiziletin bolady, uiymdastyrýshylar Pavlodar oblysy qalalarynyń barlyq aýlalaryn qamtýdy josparlap otyr.
«Kórshi» jobasy «Rýhani jańǵyrý» oblystyq ofisiniń, oblys ishki saiasat basqarmasynyń, aýlalyq klýbtar men Pavlodar qalasynyń qosymsha bilim berý mekemeleriniń, «Nur Otan» jáne «Jas Otan» jastar qanatynyń, Pavlodar qalasy dene tárbiesi jáne sport bóliminiń, sondai-aq birqatar oblystyq, qalalyq organdardyń, mádeniet mekemeleriniń, oqý oryndarynyń jáne qoǵamdyq birlestikteriniń qoldaý kórsetýimen iske asyrylady.
Derekkóz: Ravlodarnews.kz
