Aýyl ákimin sailaý? Mámin úkimeti naýqandy bastamai jatyp búldirdi - depýtat
Depýtat atalǵan naýqanǵa apyl-ǵupyl daiyndalǵan Úkimet sailaýdy óz deńgeiinde ótkizýge dármensiz dep esepteidi. Onyń ústine ýaqyt ta oraisyz. Indet qaita asqynǵan shaqta mundai deńgeidegi naýqan ótkizý aqylǵa syimaityn áreket.
"Aýyl ákimderiniń sailaýaldy baǵdarlamasy qaida, bar ma? Jurtpen júzdesip, turǵyndardyń aldynan ótti me? Úkimet tarapynan qandaida bir aqparattyq úgit-nasihat júrgizildi me? Shyntýaitynda aýyldaǵy aǵaiyn mundai sharanyń óterinen habarsyz. Ákimder halyqpen júzbe-júz emes, onlain kezdesedi eken. Aýyl turmaq keibir qalalyq jerde internettiń ustaýy qiyn. Mámin úkimeti muny qalai júzege asyrmaqshy?", – deidi Aiqyn myrza.
Depýtat bul sailaýǵa ázir qyzmetinde otyrǵan ákimderdiń qatysýyna qarsy. Halyq osy laýazymǵa laiyqty azamatty ózderi tańdaýy qajet.
"Kim kreslosyn ońaishylyqpen bosata qoisyn. Qyzmetine jarmasyp otyrǵan qazirgi ákimder aldaǵy sailaýda ákimshilik resýrsty paidalanyp, jeńip ketýi ábden múmkin. Sondyqtan olardy bul naýqanǵa mańailatpaý kerek. Bular sailaýǵa qatysar bolsa, Toqaevtyń tapsyrmasynan mán ketedi. Mámin úkimetine aitarym, kózboiaýshylyqty doǵarý qajet. Úkimettiń syńaiyna qarasam sailaýdy erterek ótkizip, erterek esep berip bul naýqannan qutylǵansha asyq bolyp júr. Al munyń paidasynan ziiany kóp, ótkeninen ótpegeni jaqsy...", – deidi halyq qalaýlysy.
Aita keteiik osy jyldyń tamyz aiynda biraz aýyl ákimderiniń ókilettigi aiaqtalyp, qyzmetinen bosaidy. Al aýyl turǵyndary jalpy sany 755 ákimdi tikelei daýys berý arqyly sailaýǵa múmkindik almaq. Sailaýdyń ýaqyty jaqyn kúnderi belgili bolmaq. Naýqandy uiymdastyrý úshin biýdjetten 4,7 mlrd teńge bólindi.
