Básekelestik qorǵaý jáne damytý agenttiginiń tóraǵasy Marat Omarov Shymkent qalasyna jumys sapary aıasynda elimizdegi úsh iri munaı óńdeý zaýytynyń biri - "PetroQazaqstan Oıl Prodakts" JSHS-ǵa da bardy,dep habarlaıdy Dalanews.kz.
Ekskýrsıa barysynda ol kásiporyndaǵy jeke basqarý tásili zaýyt jumysynyń tıimdiligine, atap aıtqanda, jıi jóndeý jumystarynyń bolmaýyna oń áser etetinin atap ótti.
"Sizderge qarap, biz shynymen sapaly ónimniń kýási bolamyz: jóndeýge ketetin eń az shyǵyn, eń bastysy — perspektıvaly ınvestısıalyq joba. Biz bul jumystardy úlgi bolady dep sanaımyz jáne basqa eki zaýytta da osyndaı tásildi qoldanýdy josparlap otyrmyz. Jekeshelendirý keńsesi sheńberinde biz sizderdiń mysaldaryńyzǵa súıene otyryp, jeke ınvestorlarǵa eki MÓZ-degi úlesti usynbaqpyz. Sondyqtan biz bul baǵyttaǵy jumysty jalǵastyramyz", - dedi Marat Omarov.
Aıta ketsek, 2024 jyly agenttik munaı óńdeý naryǵyndaǵy básekelestiktiń jaı-kúıine taldaý júrgizdi. Onyń qorytyndysy boıynsha, "QazMunaıGaz" tulǵalar tobyna kiretin "PetroQazaqstan Oıl Prodakts" JSHS naryqta ústem jaǵdaıǵa ıe sýbekt retinde tanyldy.
